യുഎഇയുടെ അൾട്രാ ലോ-ഫെയർ എയർലൈനായ വിസ് എയർ അബുദാബിയിലേക്കും തിരിച്ചുമുള്ള തിരഞ്ഞെടുത്ത ഫ്ലൈറ്റുകളിൽ 20 ശതമാനം കിഴിവ് പ്രഖ്യാപിച്ചു.
ഏപ്രിൽ 18 നും 19 നും ഇടയിൽ എടുക്കുന്ന ടിക്കറ്റുകൾക്ക് മാത്രമേ പ്രമോഷൻ ഉണ്ടാകുകയുളളൂ. ചില ലക്ഷ്യസ്ഥാനങ്ങളിലേക്ക് നിരക്ക് 39 ദിർഹം മുതലാണ് ആരംഭിക്കുന്നത്. വിസ് എയർ അബുദാബി മാനേജിംഗ് ഡയറക്ടർ മൈക്കൽ ബെർലൂയിസ് പറഞ്ഞു: “ഞങ്ങളുടെ വളരെ കുറഞ്ഞ നിരക്കുകളിൽ 20 ശതമാനം കിഴിവോടെ ഞങ്ങൾ ഈദ് അവധിയെ സ്വാഗതം ചെയ്യുന്നു.”
വിസ് എയർ അടുത്തിടെ സലാല (ഒമാൻ), മട്ടല (ശ്രീലങ്ക), അമ്മാൻ (ജോർദാൻ), അക്കാബ (ജോർദാൻ) എന്നിവിടങ്ങളിലേക്ക് കൂടുതൽ സർവീസുകൾ ചേർത്തിരുന്നു.