ഈദ് അൽ ഫിത്തർ അവധിക്കാലത്തെ എല്ലാ സർവീസുകളുടെയും പ്രവൃത്തി സമയം അബുദാബി ട്രാൻസ്പോർട്ട് അധികൃതർ പ്രഖ്യാപിച്ചു. നീണ്ട ഉത്സവ അവധിക്കാലത്ത് എമിറേറ്റിലെ വാഹനയാത്രക്കാർക്ക് എട്ട് ദിവസം വരെ സൗജന്യ പാർക്കിംഗ് ലഭിക്കും.
അബുദാബിയിലെ പൊതു പാർക്കിംഗ് സ്ഥലങ്ങൾ ഏപ്രിൽ 29 വെള്ളിയാഴ്ച മുതൽ മെയ് 7 ശനിയാഴ്ച രാവിലെ 7:59 വരെ സൗജന്യമായിരിക്കും.
“MAWAQiF പാർക്കിംഗ് ഫീസ് ഏപ്രിൽ 29 വെള്ളിയാഴ്ച മുതൽ മെയ് 7 ശനിയാഴ്ച രാവിലെ 7:59 വരെ സൗജന്യമായിരിക്കും. കൂടാതെ, ഔദ്യോഗിക ഈദ് അവധിക്കാലത്ത് മുസഫ എം-18 ട്രക്ക് പാർക്കിംഗ് ലോട്ടിലെ പാർക്കിംഗ് ഫീസും സൗജന്യമായിരിക്കും, ”അബുദാബിയിലെ മുനിസിപ്പാലിറ്റി ആൻഡ് ട്രാൻസ്പോർട്ട് വകുപ്പിന്റെ ഇന്റഗ്രേറ്റഡ് ട്രാൻസ്പോർട്ട് സെന്റർ അറിയിച്ചു
നിരോധിത സ്ഥലങ്ങളിൽ വാഹനങ്ങൾ പാർക്ക് ചെയ്യുന്നതും ഗതാഗതം തടസ്സപ്പെടുത്തുന്നതും ഒഴിവാക്കണമെന്ന് ഐടിസി വാഹനമോടിക്കുന്നവരോട് അഭ്യർത്ഥിച്ചു. “നിയോഗിക്കപ്പെട്ട സ്ഥലങ്ങളിൽ വാഹനങ്ങൾ ശരിയായി പാർക്ക് ചെയ്യുക, രാത്രി 9 മുതൽ രാവിലെ 8 വരെ പാർപ്പിട പാർക്കിംഗ് സ്ഥലങ്ങളിൽ പാർക്കിംഗ് ഒഴിവാക്കണമെന്നും ഐടിസി അഭ്യർത്ഥിച്ചു.
ഏപ്രിൽ 29 വെള്ളിയാഴ്ച മുതൽ മെയ് 7 ശനിയാഴ്ച രാവിലെ 7 മണി വരെ ഡാർബ് ടോൾ സംവിധാനവും സൗജന്യമായിരിക്കും.
മെയ് 7ശനിയാഴ്ച മുതൽ വ്യാഴം വരെ രാവിലെ 7 മുതൽ 9 വരെയും വൈകുന്നേരം 5 മുതൽ 7 വരെയും ടോൾ സംവിധാനം നിലവിൽ വരും.
ഈദ് അവധി ദിവസങ്ങളിൽ, എമിറേറ്റിലെ പൊതു ബസ് സർവീസുകൾ പതിവ് ഷെഡ്യൂൾ അനുസരിച്ച് പ്രവർത്തിക്കും, എന്നാൽ പ്രാദേശിക ബസ് സർവീസുകളുടെ എണ്ണം ഏപ്രിൽ 30 നും മെയ് 4 നും ഇടയിലുള്ള ഡിമാൻഡിന്റെ അളവ് അനുസരിച്ച് വർദ്ധിപ്പിക്കും.