യുവതിയേയും 4 കുട്ടികളെയും മുങ്ങിമരണത്തിൽ നിന്നും രക്ഷപ്പെടുത്തിയ രണ്ട് എമിറാത്തി സഹോദരന്മാരെ റാസൽഖൈമ പോലീസ് ആദരിച്ചു.
സ്വന്തം സുരക്ഷ പോലും വക വെക്കാതെ യുവതിയേയും 4 കുട്ടികളെയും മുങ്ങിമരണത്തിൽ നിന്നും രക്ഷപ്പെടുത്തിയതിനാണ് റാസൽ ഖൈമ പോലീസ് ആക്ടിംഗ് കമാൻഡർ-ഇൻ-ചീഫ് ബ്രിഗേഡിയർ ജനറൽ അബ്ദുല്ല ഖമീസ് അൽ ഹദീദി നാദർ അലി കാസിനേയും അബ്ദുല്ല അലി കാസിനേയും ആദരിച്ചത്.
രണ്ട് പൗരന്മാരുടെയും മറ്റുള്ളവരോടുള്ള സാമൂഹിക ഉത്തരവാദിത്തബോധത്തെയും പൊതുജനങ്ങൾക്ക് പിന്തുണ നൽകാനുള്ള അവരുടെ ഇച്ഛയെയും ബ്രിഗ് അൽ ഹദീദി പ്രശംസിച്ചു.
മറ്റുള്ളവരെ സഹായിക്കുന്നതിൽ സമൂഹത്തെ പ്രോത്സാഹിപ്പിക്കുന്നതിനുള്ള റാസൽഖൈമ പോലീസിന്റെ സംരംഭത്തിന്റെ ഭാഗമാണ് അവരുടെ ധീരതയ്ക്ക് സഹോദരങ്ങളെ ആദരിക്കുന്നതെന്നും അദ്ദേഹം പറഞ്ഞു.
ബ്രിഗ് അൽ ഹദീദി അവർക്ക് പ്രശംസാപത്രവും വിലപ്പെട്ട പാരിതോഷികവും കൈമാറി. ദുരിതമനുഭവിക്കുന്നവരെ സഹായിക്കുന്നതിൽ കമ്മ്യൂണിറ്റി അംഗങ്ങൾ വഹിക്കുന്ന പങ്കിനെയും സുരക്ഷാ സേവനങ്ങളുമായുള്ള അവരുടെ സഹകരണത്തെയും അദ്ദേഹം പ്രശംസിച്ചു. തങ്ങൾ ചെയ്തത് സമൂഹത്തിലെ അംഗങ്ങളോടുള്ള കടമയാണെന്ന് പറഞ്ഞുകൊണ്ട് രണ്ട് സഹോദരന്മാരും റാസൽഖൈമ പോലീസിനോട് നന്ദി പറഞ്ഞു.
