റീട്ടെയിൽ രംഗത്ത് ഉപഭോക്താക്കൾക്ക് ഷോപ്പിംഗിന് പുതിയ അനുഭവം നൽകുന്ന രണ്ട് പുതിയ കോൺസെപ്റ്റ് സ്റ്റോറുകൾ ലുലു ഗ്രൂപ്പ് യുഎഇയിൽ ആരംഭിച്ചു. ആദ്യ സ്റ്റോർ അൽ ഖുസൈസ് 4 ൽ വൈ ടവറിലെ ലുലു എക്സ്പ്രസ് സൂപ്പർമാർക്കറ്റാണ്. രണ്ടാമത്തെ കൺസെപ്റ്റ് ഷോപ്പ് അൽ ഐനിലെ അൽ നൗദിലുള്ള ലുലു ലോജിസ്റ്റിക്സ് ആൻഡ് ഹോൾസെയിൽ സെന്ററാണ്. മികച്ച വിലയിൽ ബൾക്ക് അളവിൽ ഉൽപ്പന്നങ്ങൾക്കൊപ്പം മൊത്തവ്യാപാര ഷോപ്പിംഗും ഇവിടെ സാധ്യമാകും.
അൽ നൗദ് മൊത്തവ്യാപാര കോൺസെപ്റ്റ് സ്റ്റോർ തിങ്കളാഴ്ച ജൂലൈ 25 ന് അഹമ്മദ് ഒമ്രാൻ അൽ അമേരി ഉദ്ഘാടനം ചെയ്തു. ദുബായ് ലുലു എക്സ്പ്രസ് ഇന്ന് ദുബായ് എക്സ്റ്റേണൽ ബ്രാഞ്ച് ഡിപ്പാർട്ട്മെന്റ് ഡയറക്ടർ, അബ്ദുല്ല സഈദ് സലേം അൽസാബി ഉദ്ഘാടനം ചെയ്തു.
ലുലു എക്സ്പ്രസ് സ്റ്റോറിൽ പഴങ്ങളും പച്ചക്കറികളും, മാംസം, സീഫുഡ് വിഭാഗങ്ങൾ, പലചരക്ക്, ബേക്കറി, ചൂടുള്ള ഭക്ഷണം, ഡെലി, ശീതീകരിച്ച ഭക്ഷണങ്ങൾ, ആരോഗ്യം, സൗന്ദര്യം, വീട്ടുപകരണങ്ങൾ എന്നിവയുടെ വിപുലമായ ശ്രേണിയിൽ ഉപഭോക്താക്കൾക്ക് അനായാസം സാധനങ്ങൾ വാങ്ങാം. വലിയ ഫോർമാറ്റിന്റെ വില ആനുകൂല്യം ആസ്വദിക്കുമ്പോൾ തന്നെ ട്രാഫിക്കും തിരക്കേറിയ വലിയ ഹൈപ്പർമാർക്കറ്റുകളും ഒഴിവാക്കി സ്വസ്ഥമായി ഷോപ്പ് ചെയ്യാനും സാധിക്കും.
അൽ ഐനിലെ അൽ നൗദിലുള്ള ലുലു ലോജിസ്റ്റിക്സ് ആൻഡ് ഹോൾസെയിൽ സെന്റർ ബൾക്ക് ഷോപ്പർമാർക്കും ബൾക്ക് വിലയിൽ മികച്ച നിലവാരം പുലർത്തുന്ന ബിസിനസ്സുകൾക്കും സേവനം നൽകുന്നു. ആഗോള വിലപേശൽ യുഎഇയിലെ റീട്ടെയിൽ രംഗം മാറ്റുമെന്ന് പ്രതീക്ഷിക്കുന്നു.
“ലുലു ഗ്രൂപ്പ് ഈയടുത്ത കാലത്തെ മഹാമാരിയിൽ നിന്ന് ശക്തമായതും ഊർജസ്വലവുമായ ഒരു ആഗോള വളർച്ചാ ബ്ലൂപ്രിന്റോടെ ഉയർന്നുവന്നിരിക്കുന്നു-ഞങ്ങളുടേത് പോലുള്ള മുൻനിര കോർപ്പറേറ്റ് ബ്രാൻഡുകൾ ഇന്ന് നടക്കുന്ന സാമ്പത്തിക പുനരുജ്ജീവനത്തിന് വഴി കാണിക്കണമെന്ന് ഞങ്ങൾ വിശ്വസിക്കുന്നു,” ലുലു ഗ്രൂപ്പ് ചെയർമാൻ യൂസഫ് അലി എം.എ. പറഞ്ഞു. “തികച്ചും വ്യത്യസ്തമായ ഷോപ്പിംഗ് ആവശ്യങ്ങൾ അഭിസംബോധന ചെയ്യുന്ന ഈ രണ്ട് സ്റ്റോറുകളും, ഞങ്ങളുടെ ഉപഭോക്താക്കളെ ശ്രദ്ധിക്കുന്നതിലും അവരുടെ മാറുന്ന ഷോപ്പിംഗ് മുൻഗണനകൾ ഉൾക്കൊള്ളാൻകഴിയുന്നതുമാണ് എന്ന് ഞങ്ങൾ വിശ്വസിക്കുന്നു. ഈ കോൺസപ്റ്റ് സ്റ്റോറുകൾ യുഎഇയിൽ തുറന്നതിൽ ഞാൻ സന്തുഷ്ടനാണ് – അദ്ദേഹം പറഞ്ഞു.