അജ്‌മാനിൽ പള്ളിയിലേക്ക് പോകവേ പാലക്കാട് സ്വദേശി വാഹനാപകടത്തിൽ മരിച്ചു. പാലക്കാട് ചാലിശേരി ആലിക്കര പുലവത്തേതിൽ മൂസക്കുട്ടിയുടെ മകൻ ഷാജിയെന്ന ഹംസ (39) ആണ് മരിച്ചത്. കഴിഞ്ഞ വെള്ളിയാഴ്‌ച പള്ളിയിലേക്ക് പോകവേ അജ്‌മാൻ ഖബർസ്ഥാന് സമീപമാണ് അപകടമുണ്ടായത്.
ഗുതുതരമായി പരുക്കേറ്റ യുവാവ് ചികിത്സയിലിരിക്കയെ ആണ് മരണത്തിന് കീഴടങ്ങിയത്. അജ്മാനിലെ ഒരു റോസ്റ്ററിയുടെ ദുബൈ ശാഖയിൽ സെയിൽസ്മാനായി ജോലി ചെയ്ത് വരികയായിരുന്നു. നടപടി ക്രമങ്ങൾ പൂര്‍ത്തീകരിച്ച ശേഷം മൃതദേഹം ഇന്ന് നാട്ടിലെത്തിക്കും. മാതാവ്: ആമിനക്കുട്ടി. ഭാര്യ: ഹസീന. മക്കൾ: നാജിയ, സഫ് വാൻ, യാസീന്‍.
