ദുബായ് ‘ബസ്-ഓൺ-ഡിമാൻഡ്’ ഇനി കൂടുതൽ ഇടങ്ങളിലേക്ക് കൂടി വ്യാപിപ്പിച്ചു. അൽ സത്വ, അൽ ഖൂസ്, മിർദിഫ് എന്നീ പ്രദേശങ്ങളിലാണ് സർവീസ് പുതുതായി ആരംഭിച്ചത്.യാത്രക്കാരുടെ വർദ്ധനവ്: 2026-ലെ ആദ്യ പകുതിയിൽ 5,27,000 ആളുകളാണ് ഈ സേവനം ഉപയോഗപ്പെടുത്തിയത്. മുൻവർഷത്തെ അപേക്ഷിച്ച് 25.1% വർദ്ധനവാണിത്. ജൂൺ മാസത്തിലാണ് ഏറ്റവും കൂടുതൽ യാത്രക്കാർ (1,05,990 പേർ) കയറിയത്.
വർദ്ധിച്ചുവരുന്ന ആവശ്യകത കണക്കിലെടുത്ത് സർവീസ് നടത്തുന്ന പ്രദേശങ്ങളുടെ പരിധി 54% വർദ്ധിപ്പിക്കുകയും ബസുകളുടെ എണ്ണം 55 ആയി ഉയർത്തുകയും ചെയ്തു.
‘Dubai Bus-On-Demand’ ആപ്പ് ഡൗൺലോഡ് ചെയ്ത് അക്കൗണ്ട് രജിസ്റ്റർ ചെയ്ത് യാത്രക്കാർക്ക് യാത്രകൾ ബുക്ക് ചെയ്യാം. ക്രഡിറ്റ്/ഡെബിറ്റ് കാർഡുകൾ, നോൾ (nol) കാർഡ് എന്നിവ ഉപയോഗിച്ച് തുക അടയ്ക്കാം.
അൽ ബർഷ, അൽ നഹ്ദ, ദുബായ് സിലിക്കൺ ഒയാസിസ്, ദുബായ് അക്കാദമിക് സിറ്റി, അൽ റിഗ്ഗ, പോർട്ട് സയീദ്, ബിസിനസ് ബേ, ഡൗൺടൗൺ ദുബായ്, ഔദ് മേത്ത, അൽ കരാമ, ബർഷ ഹൈറ്റ്സ്, അൽ മങ്കൂൽ, DIFC, അൽ വർഖ, ദുബായ് ഇൻവെസ്റ്റ്മെന്റ് പാർക്ക്, JVC, അൽ ഖുസൈസ്, അൽ സത്വ, അൽ ഖൂസ്, മിർദിഫ്.
ലക്ഷ്യം: റസിഡൻഷ്യൽ ഏരിയകളെയും പ്രധാന പബ്ലിക് ട്രാൻസ്പോർട്ട് സ്റ്റേഷനുകളെയും (മെട്രോ മുതലായവ) തമ്മിൽ എളുപ്പത്തിൽ ബന്ധിപ്പിച്ച് പൊതുഗതാഗതം കൂടുതൽ സുഗമമാക്കുക എന്നതാണ് ആർ.ടി.എയുടെ ലക്ഷ്യം.
