ഷാർജ ട്രാഫിക് പിഴകളിൽ 35 % വരെ ഇളവുകൾ പ്രഖ്യാപിച്ചു.
ഷാർജ ഡെപ്യൂട്ടി ഭരണാധികാരിയും കൗൺസിൽ വൈസ് ചെയർമാനുമായ ഷെയ്ഖ് അബ്ദുല്ല ബിൻ സലേം ബിൻ സുൽത്താൻ അൽ ഖാസിമിയുടെ നേതൃത്വത്തിൽ ഷാർജ എക്സിക്യൂട്ടീവ് കൗൺസിൽ യോഗത്തിലാണ് ഈ തീരുമാനം ഉണ്ടായത്. ഈ ഇളവ് തീരുമാനം 2023ൽ ഉടനീളം നടപ്പാക്കുമെന്ന് ഷാർജ പോലീസ് പറഞ്ഞു. 2023 ഏപ്രിൽ 1 മുതൽ ഇളവുകൾ പ്രാബല്യത്തിൽ വരും. നിയമലംഘനം നടന്ന തീയതി മുതൽ 60 ദിവസത്തിനുള്ളിൽ പണമടച്ചാൽ 35 ശതമാനം കിഴിവ് ലഭിക്കും.
എന്നിരുന്നാലും, ലംഘനം നടന്ന തീയതി മുതൽ 60 ദിവസത്തിന് ശേഷം പണമടയ്ക്കുകയാണെങ്കിൽ, 25 ശതമാനം കിഴിവ് മാത്രമേ ബാധകമാകൂ..
ലംഘനം നടന്ന തീയതി മുതൽ ഒരു വർഷം കഴിഞ്ഞിട്ടും പിഴ അടച്ചിട്ടില്ലെങ്കിൽ, വാഹനമോടിക്കുന്നവർ പിഴ മുഴുവനായി അടയ്ക്കേണ്ടിവരും, കൂടാതെ വാഹനം കണ്ടുകെട്ടുകയും ചെയ്യും. ഗുരുതരമായ ഗതാഗത നിയമലംഘനങ്ങൾക്ക് ഈ ഇളവുകൾ ബാധകമാകില്ല.