അബുദാബിയിൽ ചങ്ങനാശേരി സ്വദേശിയായ പ്ലസ് വൺ വിദ്യാർത്ഥി മരിച്ചു.
ചങ്ങനാശേരി തൃക്കൊടിത്താനം സ്വദേശി എലംകുന്നത്ത് ഹൗസിൽ അനിൽ കുര്യാക്കോസിന്റെയും പ്രിൻസി ജോണിന്റെയും മകൻ സ്റ്റീവ് ജോൺ കുര്യാക്കോസ് (17) ആണ് അബുദാബിയിൽ മരണപ്പെട്ടത്. അബുദാബി അൽവത്ബ ഇന്ത്യൻ സ്കൂളിൽ പ്ലസ് വൺ വിദ്യാർഥിയായിരുന്നു.
ഷെയ്ഖ് ഷഖ്ബൂത്ത് മെഡിക്കൽ സിറ്റിയിൽ നഴ്സായ പ്രിൻസി നൈറ്റ് ഡ്യൂട്ടി കഴിഞ്ഞ് ഞായറാഴ്ച രാവിലെ മകനൊപ്പം ഭക്ഷണം കഴിച്ചു കിടന്നുറങ്ങി. ഉച്ചയ്ക്ക് രണ്ടു മണിയോടെ ശബ്ദം കേട്ട് ഉണർന്നപ്പോൾ മകൻ വീണുകിടക്കുകയായിരുന്നു. ഉടൻ പ്രഥമ ശുശ്രൂഷ നൽകി ആശുപത്രിയിൽ എത്തിച്ചെങ്കിലും സ്റ്റീവിന്റെ ജീവൻ രക്ഷിക്കാനായില്ല.
പിതാവ് അനിൽ കുര്യാക്കോസ് മകൾ സാന്ദ്ര മേരി കുര്യാക്കോസും നാട്ടിലാണ്. സംസ്കാരം ഇന്ന് 3ന് മാലിപ്പാറ സെന്റ് മേരീസ് ചർച്ച് സെമിത്തേരിയിൽ നടക്കും.