ദുബായിലെ ഉം റമൂൽ ഏരിയയിലെ ശുചീകരണ സാമഗ്രികൾ അടങ്ങിയ ഗോഡൗണിൽ ഇന്ന് വെള്ളിയാഴ്ച ഉച്ചയോടെ തീപിടിത്തമുണ്ടായതായി ദുബായ് സിവിൽ ഡിഫൻസ് അറിയിച്ചു.
ഇന്ന് ഏപ്രിൽ 14 വെള്ളിയാഴ്ച വൈകുന്നേരം 4:28 നാണ് ദുബായ് സിവിൽ ഡിഫൻസ് ഓപ്പറേഷൻ സെന്ററിൽ തീപിടുത്തത്തെക്കുറിച്ച് മുന്നറിയിപ്പ് ലഭിച്ചത്. അൽ റാഷിദിയ ഫയർ സ്റ്റേഷനിൽ നിന്നുള്ള ഒരു സംഘം അഞ്ച് മിനിറ്റിനുള്ളിൽ സംഭവസ്ഥലത്തെത്തി. പോർട്ട് സയീദ്, അൽ ഖുസൈസ് ഫയർ സ്റ്റേഷനുകളിൽ നിന്നുള്ള ടീമുകളും ബാക്കപ്പിനായി എത്തിയിരുന്നു.
സംഭവം നിയന്ത്രണവിധേയമാണെന്നും പരിക്കുകളൊന്നും റിപ്പോർട്ട് ചെയ്തിട്ടില്ലെന്നും ഫീൽഡ് കമാൻഡർ വൈകുന്നേരം 5:04 ന് സ്ഥിരീകരിച്ചു.
