6 മാസം നാട്ടിലോ അല്ലെങ്കിൽ മറ്റുള്ള രാജ്യങ്ങളിലോ കഴിഞ്ഞ് അബുദാബി വിസക്കാർ തിരിച്ചെത്തണമെങ്കിൽ വിസാകാലാവധി 60 ദിവസവും പാസ്പോർട്ടിന് 3 മാസത്തെ കാലാവധിയും ഉണ്ടായിരിക്കണമെന്ന് ഐസിപി അറിയിച്ചു. 60 ദിവസമെങ്കിലും വിസാകാലാവധിയില്ലാത്തവരുടെ റിട്ടേൺ പെർമിറ്റ് അപേക്ഷ സ്വീകരിക്കില്ല.
ഈ കാലാവധി വിസയിലില്ലെങ്കിൽ ആ വിസ റദ്ദാക്കി പുതിയ വിസ എടുക്കേണ്ടിവരും. എന്നാൽ 6 മാസം നാട്ടിൽ കഴിഞ്ഞ ദുബായ് വിസക്കാർക്ക് ഒരു ദിവസത്തെ വിസാകാലാവധി ഉണ്ടെങ്കിലും പ്രവേശനം GDRFA അനുവദിക്കും. ഐസിപി വെബ്സൈറ്റിലൂടെ റിട്ടേൺ പെർമിറ്റിന് അപേക്ഷിക്കുമ്പോൾ 6 മാസം വൈകിയതിന്റെ കാരണം ബോധിപ്പിക്കുന്ന രേഖ അറബിക് ഭാഷയിലേക്ക് മൊഴിമാറ്റി ഹാജരാക്കേണ്ടതുണ്ട്.
.
