ഇന്ത്യൻ പൗരത്വമുള്ള 13 പ്രതികളും അവരുടെ ഉടമസ്ഥതയിലുള്ള ഏഴ് കമ്പനികളും കള്ളപ്പണം വെളുപ്പിക്കൽ, നികുതി വെട്ടിപ്പ് എന്നീ കുറ്റങ്ങളിൽ കുറ്റക്കാരാണെന്ന് കണ്ടെത്തിയതായി അബുദാബി അധികൃതർ അറിയിച്ചു.
ലൈസൻസില്ലാതെ പോയിന്റ് ഓഫ് സെയിൽ (POS) വഴി ക്രെഡിറ്റ് സൗകര്യങ്ങൾ നൽകി 510 മില്യൺ ദിർഹത്തിന്റെ സാമ്പത്തിക പ്രവർത്തനങ്ങൾ ഇവർ നടത്തിയതായി അബുദാബി ക്രിമിനൽ കോടതി കണ്ടെത്തി. ചില പ്രതികൾക്ക് 5 മുതൽ 10 വർഷം വരെ തടവും പിന്നീട് നാടുകടത്തലും 5 മില്യൺ ദിർഹം മുതൽ 10 മില്യൺ ദിർഹം വരെ പിഴയും വിധിച്ചു.
