യുഎഇയിൽ ഇന്ന് ഭാഗികമായി മേഘാവൃതമായ കാലാവസ്ഥയും ഫുജൈറ, അൽ ഐൻ, അബുദാബി എന്നിവിടങ്ങളിൽ ഇന്ന് മഴ പ്രതീക്ഷിക്കാമെന്നും നാഷണൽ സെന്റർ ഓഫ് മെറ്റീരിയോളജി (NCM) അറിയിച്ചു.
ഇന്ന് വെള്ളിയാഴ്ച ഫുജൈറ, അൽ ഐൻ, അബുദാബി ഉൾപ്പെടെയുള്ള ചില ഭാഗങ്ങളിൽ ഉച്ചകഴിഞ്ഞ് മഴയും പൊടി നിറഞ്ഞ കാലാവസ്ഥയും പ്രതീക്ഷിക്കാം. നാളെ ശനിയാഴ്ചയും മഴ തുടരുമെന്ന് NCM അറിയിച്ചു.
ഇന്ന് ശക്തമായ കാറ്റ് മണിക്കൂറിൽ 15-25 കി.മീ വേഗതയിൽ ആവർത്തിച്ച് വീശുമെന്ന് പ്രതീക്ഷിക്കുന്നു. ചിലപ്പോൾ കാറ്റ് മണിക്കൂറിൽ 50 കി.മീ വരെ വേഗതയിൽ എത്താം.പൊടികാറ്റ് കാഴ്ചയ്ക്ക് തടസ്സമാകുമെന്നതിനാൽ വാഹനമോടിക്കുന്നവർ ജാഗ്രത പാലിക്കണം. അലർജിയുള്ളവർ പുറത്തിറങ്ങുമ്പോൾ മുൻകരുതൽ എടുക്കുകയും വേണം.
ഇന്നത്തെ പരമാവധി താപനില 48 ഡിഗ്രി സെൽഷ്യസും കുറഞ്ഞ താപനില 25 ഡിഗ്രി സെൽഷ്യസുമായിരിക്കും. ഇന്ന് പരമാവധി ഹ്യൂമിഡിറ്റി 90 ശതമാനത്തിൽ എത്തുമെന്നാണ് പ്രതീക്ഷിക്കുന്നത്.