ഷാർജ കെ എം സി സി സ്റ്റേറ്റ് സെക്രട്ടറിയും ജീവകാരുണ്യപ്രവർത്തകനും കാപ്പാട് ഇലാഹിയ ഹയർ സെക്കണ്ടറി സ്കൂൾ മുൻ ഓഫീസ് സ്റ്റാഫുമായിരുന്ന തിരുവങ്ങൂർ പോയിലിൽ സുബൈർ [61] നിര്യാതനായി.
ഇന്ന് പുലർച്ചെ ഷാർജയിലേക്ക് പോകാനിരിക്കെ നെഞ്ചുവേദനയെ തുടർന്നാണ് മരണം സംഭവിച്ചത്. ഭാര്യ : ജസീറ, മക്കൾ : മുഹമ്മദ് ഷിബിലി , ഷാമിൽ അബ്ദുല്ല, മുഹമ്മദ് ഷദാൻ
3 പതിറ്റാണ്ടിലധികമായി ഷാർജയിലെ സാമുഹ്യ ജീവകാരുണ്യ മേഖയിലെ സജീവ സാന്നിദ്ധ്യമായിരുന്നു സുബൈർ തിരുവങ്ങൂർ.
ഷാർജ കെഎംസിസി കൊയിലാണ്ടി മണ്ഡലം പ്രസിഡണ്ട് കോഴിക്കോട് ജില്ലാ വൈസ് പ്രസിഡണ്ട് എന്നീ നിലകളിൽ പ്രവർത്തിച്ചിരുന്നു. നിലവിൽ ഷാർജ കെഎംസിസിയുടെ സ്റ്റേറ്റ് സെക്രട്ടറിയായി പ്രവർത്തിച്ചുവരികയായിരുന്നു.
