അബുദാബിയിൽ ക്യാമറയിൽ പതിഞ്ഞ ഭയാനകമായ 3 വാഹനാപകടങ്ങളുടെ വീഡിയോ അബുദാബി പോലീസ് സോഷ്യൽ മീഡിയയിൽ പങ്ക് വെച്ചു.
ആദ്യത്തെ അപകടം അഞ്ച് കാറുകൾ തമ്മിൽ കൂട്ടിയിടിക്കുന്നതായാണ് കാണിക്കുന്നത്. ഇതിൽ ഡ്രൈവർമാരിൽ ഒരാൾ അമിതവേഗതയിൽ വാഹനമോടിക്കുന്നതും പിന്നീട് ഡ്രൈവർ മറ്റൊരു കാറിൽ ഇടിക്കുകയും തുടർന്ന് പല കാറുകൾ തമ്മിൽ കൂട്ടിയിടിയുണ്ടാകുന്നു. ഈ അപകടത്തിൽപ്പെട്ട ഒരു വാഹനത്തിന് തീപിടിച്ചിട്ടുമുണ്ട്.
രണ്ടാമത്തെ അപകടത്തിൽ ഒരു കാർ വളരെ വേഗത്തിൽ മുന്നിലുള്ള വാഹനത്തിലേക്ക് ഇടിച്ചുകയറുന്നത് കാണുന്നു. ഐഡിയിൽ മൂന്ന് കാറുകൾ തകർന്നു. മൂന്നാമത്തെ അപകടവും സമാനമാണ്, കാറുകളിലൊന്ന് മന്ദഗതിയിലുള്ള ട്രാഫിക്കിലേക്ക് അതിവേഗം പായുകയും ഭയാനകമായ കൂട്ടിയിടി ഉണ്ടാക്കുകയും വാഹനങ്ങൾക്ക് തീപിടിക്കുകയും ചെയ്യുന്നു.
#فيديو | بثت #شرطة_أبوظبي بالتعاون مع مركز التحكم والمتابعة وضمن مبادرة "لكم التعليق" فيديو لـ 3 حوادث مرورية في نفس التوقيت بسبب الانشغال بغير الطريق أثناء توقف حركة السير في الطريق .
التفاصيل :https://t.co/RpaRY6NmBw#لكم_التعليق#الانشغال_بغير_الطريق pic.twitter.com/2vcbV5PBSE
— شرطة أبوظبي (@ADPoliceHQ) September 8, 2023
പലതരത്തിലുള്ള തടസ്സങ്ങൾ കാരണം വൻ അപകടങ്ങൾ ഉണ്ടാകാൻ സാധ്യതയുള്ളതിനാൽ വാഹനമോടിക്കുന്നവർ എപ്പോഴും റോഡിൽ ശ്രദ്ധ വെച്ചിരിക്കണമെന്ന് അധികൃതർ ഓർമിപ്പിച്ചു. ഡ്രൈവ് ചെയ്യുമ്പോൾ ഫോണുകൾ ഉപയോഗിക്കുന്നതിന്റെയും മറ്റ് കാര്യങ്ങൾ ചെയ്യുന്നതിന്റെയും പ്രതിഫലനങ്ങളാണ് ഇത്തരം അപകടങ്ങൾ ഉണ്ടാക്കുന്നതെന്ന് പോലീസിന്റെ ട്രാഫിക് ആൻഡ് പട്രോൾസ് ഡയറക്ടറേറ്റ് പറഞ്ഞു.
വാഹനമോടിക്കുമ്പോൾ ഒരിക്കലും ഫോൺ വിളിക്കുകയോ സെൽഫി എടുക്കുകയോ സോഷ്യൽ മീഡിയ ബ്രൗസ് ചെയ്യുകയോ ചെയ്യരുത്, പോലീസ് വീണ്ടും ഊന്നിപ്പറഞ്ഞു. അശ്രദ്ധമായി വാഹനമോടിച്ചാൽ 800 ദിർഹവും നാല് ട്രാഫിക് പോയിന്റുകളുമാണ് പിഴയെന്നും പോലീസ് പറഞ്ഞു.
