ദുബായ് പോലീസിന്റെ സൂപ്പർകാർ ശൃംഖലയിലേക്ക് 100 ഓഡികൾ കൂട്ടി ദുബായ് പോലീസ് സൂപ്പർകാറുകളുടെ കൂട്ടത്തെ ശക്തിപ്പെടുത്തി. ഔഡി, അൽ നബൂദ ഓട്ടോമൊബൈൽസ് നൽകിയതാണ് ഈ പുതിയ 100 ഓഡി വാഹനങ്ങൾ
അത്യാധുനിക സാങ്കേതിക വിദ്യകൾക്കും പുരോഗമന സ്പെസിഫിക്കേഷനുകൾക്കും പേരുകേട്ട ഓൾ-ഇലക്‌ട്രിക് വാഹനങ്ങളും ഏറ്റവും പുതിയ ഓഡി മോഡലുകളും ദുബായ് പോലീസിന്റെ ലൈനപ്പിൽ ഉൾപ്പെടുന്നു.
ദുബായ് പോലീസിന്റെ ടൂറിസ്റ്റ് വെഹിക്കിൾ ലൈനപ്പിലേക്ക് അടുത്തിടെ ഓഡി ആർഎസ് ഇ-ട്രോൺ ജിടി ( Audi RS e-tron GT ) ചേർത്തതിന് ശേഷം രണ്ട് സ്ഥാപനങ്ങളും തമ്മിലുള്ള സഹകരണത്തിന്റെ ഭാഗമാണ് ഈ സംരംഭം.
ട്രാഫിക് പ്രവർത്തനങ്ങൾ വർധിപ്പിക്കുന്നതിനായി ട്രാഫിക് പട്രോളിംഗ് സേനയെ ശക്തിപ്പെടുത്തുന്നതിന്റെ പ്രാധാന്യവും ഈ വാഹനങ്ങൾ അവയുടെ അസാധാരണമായ പ്രകടനവും അത്യാധുനിക സാങ്കേതിക വിദ്യയും കൊണ്ട് വേറിട്ടുനിർത്തുന്നുവെന്നും ഗതാഗതം സുഗമമാക്കുന്നതിനും റോഡ് സുരക്ഷ ഉറപ്പാക്കുന്നതിനുമുള്ള ചുമതലകൾ കാര്യക്ഷമമായി നിർവഹിക്കാൻ ഉദ്യോഗസ്ഥരെ പ്രാപ്തരാക്കുന്നുവെന്നും ദുബായ് പോലീസ് പറഞ്ഞു.
