അബുദാബി എയർപോർട്ടിന്റെ പുതിയ ടെർമിനലിലെ ആദ്യ യാത്രക്കാരെ സ്വീകരിക്കാൻ എല്ലാ പ്രധാന സർവീസുകളും സൗകര്യങ്ങളും ഇപ്പോൾ സജ്ജമാണെന്ന് അബുദാബി എയർപോർട്ട്സ് അറിയിച്ചു.
അബുദാബി എയർപോർട്ടിന്റെ ഏറ്റവും പുതിയ ടെർമിനൽ A, ടെർമിനലുകൾ 1, 2, 3 എന്നിവയ്ക്കൊപ്പം നവംബർ 1 മുതൽ 14 വരെ പ്രവർത്തിക്കും. നവംബർ 15 മുതൽ എല്ലാ എയർലൈനുകളും ടെർമിനൽ A യിൽ നിന്നായിരിക്കും പ്രവർത്തിക്കുക.
വിമാനത്താവളത്തിലെത്തുന്ന യാത്രക്കാരും സന്ദർശകരും ഏത് ടെർമിനലിലേക്കാണ് പോകേണ്ടതെന്ന് അറിയാൻ എയർപോർട്ട് ഓപ്പറേറ്റർ ഒരു ബോധവൽക്കരണ കാമ്പയിനും ആരംഭിച്ചിട്ടുണ്ട്. നവംബർ 1-14 തീയതികളിൽ അബുദാബിയിൽ നിന്ന് പറക്കുകയാണെങ്കിൽ അവരുടെ ടെർമിനലുകളെ കുറിച്ച് എയർപോർട്ട് വെബ്സൈറ്റിൽ പരിശോധിക്കാനും യാത്രക്കാർക്ക് നിർദ്ദേശം നൽകിയിട്ടുണ്ട്.