ഷാർജയുടെ ഏറ്റവും പുതിയ ലാൻഡ്മാർക്ക് പ്രോജക്ടുകളിലൊന്നായ – കുടുംബ-സൗഹൃദ വിനോദ കേന്ദ്രം – ഇന്ന് വെള്ളിയാഴ്ച ഔദ്യോഗികമായി തുറന്നു. സുപ്രീം കൗൺസിൽ അംഗവും ഷാർജ ഭരണാധികാരിയുമായ ഹിസ് ഹൈനസ് ഷെയ്ഖ് ഡോ സുൽത്താൻ ബിൻ മുഹമ്മദ് അൽ ഖാസിമിയാണ് ‘ഷീസ് റെസ്റ്റ് ഏരിയ’ എന്ന പേരിൽ ഈ ഡെസ്റ്റിനേഷൻ ഉദ്ഘാടനം ചെയ്തത്.
ഖോർ ഫക്കാൻ – ഷാർജ റോഡിലെ റോഗ് ടണലിന് ശേഷം സ്ഥിതി ചെയ്യുന്ന ഈ വിശ്രമ സ്ഥലത്ത്, പലചരക്ക് സാധനങ്ങൾ മുതൽ പരവതാനികൾ, യാത്രാ സാമഗ്രികൾ, പെർഫ്യൂം, ഭക്ഷണശാലകൾ, കഫേ വരെ അടങ്ങുന്ന 58 ഷോപ്പുകൾ ഉണ്ടാകും.
80 പേർക്ക് ഇരിക്കാവുന്ന കൂറ്റൻ സ്‌ക്രീനോടുകൂടിയ 430 ചതുരശ്ര മീറ്റർ ഷേഡുള്ള ഔട്ട്ഡോർ തിയേറ്ററും ഇവിടെ ഒരുക്കിയിട്ടുണ്ട്. 600 ചതുരശ്ര മീറ്ററിൽ കുട്ടികൾക്കുള്ള കളിസ്ഥലവുമുണ്ട്. പർവതങ്ങൾ ആസ്വദിക്കാൻ ഖോർ ഫക്കൻ റോഡിലൂടെ വരുന്ന സന്ദർശകർക്ക് അനുയോജ്യമായ ഒരു തന്ത്രപ്രധാനമായ സ്ഥലത്താണ് ഷീസ് റെസ്റ്റ് ഏരിയ നിർമ്മിച്ചിരിക്കുന്നത്.
തണുത്ത കാലാവസ്ഥ ആസ്വദിക്കാൻ വരുന്നവർക്ക് ഇവിടെ വിശ്രമിക്കാനുള്ള ഒരു സ്ഥലവും ഉണ്ടാകും. ഗാംഭീര്യമുള്ള പർവതങ്ങളുടെ പശ്ചാത്തലത്തിൽ സജ്ജീകരിച്ചിരിക്കുന്ന ഈ പ്രദേശം പൂക്കളും പച്ചപ്പും കൊണ്ടാണ് നിർമ്മിക്കപ്പെട്ടിരിക്കുന്നത്.
