ഷാർജയിൽ വെള്ളിയാഴ്ച പലയിടത്തും റോഡുകളിലും പാർക്കിങ് ഏരിയകളിലും മഴവെള്ളം നിറഞ്ഞതോടെ 993 എന്ന നമ്പറിലേക്ക് 872 റിപ്പോർട്ടുകൾ കോൾ സെന്ററിന് ലഭിച്ചതായി ഷാർജ സിറ്റി മുനിസിപ്പാലിറ്റി അറിയിച്ചു.
കോൾ സെന്റർ മഴ റിപ്പോർട്ടുകൾ കൈകാര്യം ചെയ്യുന്നതിനുള്ള എമർജൻസി പ്ലാൻ സജീവമാക്കിയിരുന്നു. എല്ലാ റിപ്പോർട്ടുകളും വേഗത്തിൽ കൈകാര്യം ചെയ്യുന്നതിനും ഫീൽഡിലെ ബന്ധപ്പെട്ട ടീമുകളിലേക്ക് മാറ്റുന്നതിനുമായി ജീവനക്കാരുടെ എണ്ണവും വർദ്ധിപ്പിച്ചിരുന്നു.
എല്ലാ ടീമുകളും അവരുടെ റോളുകൾക്കും മേഖലകൾക്കും അനുസൃതമായി സംയുക്ത ഏകോപനത്തിലൂടെ പ്രവർത്തിച്ചതിനാൽ, കോൾ സെന്ററിന്റെ ക്രിയാത്മകമായ പദ്ധതികളും പെട്ടെന്നുള്ള പ്രതികരണവും മഴവെള്ളം കുമിഞ്ഞുകൂടുന്നത് നിയന്ത്രിക്കുന്നതിൽ കാര്യമായ പങ്കുവഹിച്ചതായി മുനിസിപ്പാലിറ്റിയിലെ കസ്റ്റമർ സർവീസ് ഡയറക്ടർ ഖാലിദ് ബിൻ ഫലാഹ് അൽ സുവൈദി പറഞ്ഞു.
