യുഎഇയുടെ 52-ാമത് ദേശീയ ദിനത്തോടനുബന്ധിച്ച് സർക്കാർ ജീവനക്കാർക്ക് 2023 ഡിസംബർ 2 ശനിയാഴ്ച മുതൽ ഡിസംബർ 4 തിങ്കൾ വരെ 3 ദിവസം അവധിയായിരിക്കുമെന്ന് ഹ്യൂമൻ റിസോഴ്സസ് & എമിറേറ്റൈസേഷൻ മന്ത്രാലയം അറിയിച്ചു. ഡിസംബർ 5 ചൊവ്വാഴ്ചയാണ് ജോലി പുനരാരംഭിക്കുക.
ചില സർക്കാർ ജീവനക്കാർക്ക് ഡിസംബർ 1 വെള്ളിയാഴ്ച വീട്ടിലിരുന്ന് ജോലി ചെയ്യാൻ കഴിയുമെന്നും മന്ത്രാലയം അറിയിച്ചു.
നേരത്തെ സ്വകാര്യ മേഖലയിലെ തൊഴിലാളികൾക്ക് ഡിസംബർ 2, 3 തീയതികളിൽ ശമ്പളത്തോടുകൂടിയ പൊതു അവധി മന്ത്രാലയം പ്രഖ്യാപിച്ചിരുന്നു.