2050-ഓടെ യുഎഇയിലെ റോഡുകളിൽ മൊത്തം വാഹനങ്ങളുടെ 50 ശതമാനവും ഇലക്ട്രിക്, ഹൈബ്രിഡ് വാഹനങ്ങളാക്കാൻ ലക്ഷ്യമിടുകയാണെന്ന് ഊർജ, ഇൻഫ്രാസ്ട്രക്ചർ മന്ത്രി സുഹൈൽ മുഹമ്മദ് അൽ മസ്റൂയി അറിയിച്ചു.
സുസ്ഥിരതയിലേക്കുള്ള യാത്രയിൽ യുഎഇ പരിസ്ഥിതി സൗഹൃദ ഗതാഗത സംവിധാനങ്ങളിലേക്ക് മാറിക്കൊണ്ടിരിക്കുകയാണ്. ഒപ്പം പുനരുപയോഗിക്കാവുന്നവയിൽ നിന്നുള്ള വൈദ്യുതി ഉൽപാദന ശേഷി മൂന്നിരട്ടിയാക്കുമെന്നും. 28-ാമത് യുഎൻ കാലാവസ്ഥാ വ്യതിയാന കോൺഫറൻസിൽ (COP28) കാലാവസ്ഥാ ലക്ഷ്യങ്ങളും ഒരു ജസ്റ്റ് ട്രാൻസിഷനും നൽകാനുള്ള മന്ത്രിമാരുടെ ഗതാഗത – ഊർജ നെക്സസ് റൗണ്ട് ടേബിളിൽ സംസാരിക്കവേ അദ്ദേഹം പറഞ്ഞു.
2023 ജൂൺ വരെ രാജ്യത്ത് 81,000 ഇലക്ട്രിക്, ഹൈബ്രിഡ് വാഹനങ്ങൾ നിരത്തിലുണ്ടെന്ന് അദ്ദേഹം പറഞ്ഞു. ഫോസിൽ ഇന്ധനങ്ങളെ ഏറ്റവുമധികം ആശ്രയിക്കുന്ന മേഖല എന്ന നിലയിൽ ഗതാഗത മേഖലയാണ് കൂട്ടായ ഡീകാർബണൈസേഷൻ ഡ്രൈവിന്റെ ഒന്നാമത്തെ ലക്ഷ്യ മേഖലയെന്ന് അൽ മസ്റൂയി എടുത്തുപറഞ്ഞു.
