അബുദാബിയിൽഹൈപ്പർമാർക്കറ്റ് ശൃംഖലയായ ലുലു ഗ്രൂപ്പ് ഇന്റർനാഷണലിന്റെ ‘മാൾ മില്യണയർ’ റാഫിൾ പ്രൊമോയുടെ മൂന്നാം പതിപ്പിലൂടെ ഇപ്പോൾ ഒരു സെൽഫിയെടുത്ത് ഒരു മില്യൺ ദിർഹം നേടാനുള്ള അവസരമുണ്ട്.
ജനുവരി 6 വരെ, അബുദാബിയിലെ ലൈൻ ഇൻവെസ്റ്റ്‌മെന്റ് ആൻഡ് പ്രോപ്പർട്ടിയുടെ 13 ഷോപ്പിംഗ് മാളുകളിൽ ഏതെങ്കിലും ഒന്നിൽ 200 ദിർഹം ചിലവഴിക്കുന്ന ഷോപ്പർമാർക്ക് നറുക്കെടുപ്പിൽ പങ്കെടുക്കാം.
അബുദാബി, അൽ ഐൻ, അൽ ദഫ്ര എന്നിവിടങ്ങളിലെ മാളുകളിൽ പോകുന്നവർക്കും ഒന്നും ചെലവാക്കാതെ തന്നെ റാഫിൾ ടിക്കറ്റ് ലഭിക്കും.മാളുകളിൽ സജ്ജീകരിച്ചിരിക്കുന്ന ‘സെൽഫി സ്റ്റേഷനുകളിൽ’, സന്ദർശകർ അവരുടെ കുടുംബത്തോടൊപ്പം ഒരു സെൽഫി ക്ലിക്കുചെയ്‌ത് ഇൻസ്റ്റാഗ്രാം സ്റ്റോറികളിൽ പോസ്റ്റുചെയ്യുകയും #mallmillionaire3.0 എന്ന ഹാഷ്‌ടാഗും മാളിന്റെ പേരും ഉപയോഗിച്ച് അതത് മാളുകളെ ടാഗ് ചെയ്യുകയും വേണം.മാൾ മാനേജ്‌മെന്റ് ദിവസവും ഒരു ഭാഗ്യശാലിയെ തിരഞ്ഞെടുക്കുകയും റാഫിൾ നറുക്കെടുപ്പിൽ പ്രവേശിക്കുന്നതിന് രജിസ്ട്രേഷൻ ആവശ്യങ്ങൾക്കായി ബന്ധപ്പെടുകയും ചെയ്യും.
