അബുദാബി ഷെയ്ഖ് സായിദ് ബിൻ സുൽത്താൻ സ്ട്രീറ്റിൽ തൊഴിലാളികളുടെ ബസുകൾ നിരോധിച്ചു
ഷെയ്ഖ് സായിദ് ബിൻ സുൽത്താൻ സ്ട്രീറ്റിൽ, ഷെയ്ഖ് സായിദ് പാലം മുതൽ ഷെയ്ഖ് സായിദ് ടണൽ വരെ (അൽ ഖുർം സ്ട്രീറ്റിന് മുമ്പ് ) രണ്ട് ദിശകളിലും 26 അല്ലെങ്കിൽ അതിലധികമോ യാത്രക്കാരുടെ ശേഷിയുള്ള തൊഴിലാളികളുടെ ബസുകൾ നിരോധിച്ചതായി അബുദാബി പോലീസ്, ഇന്റഗ്രേറ്റഡ് ട്രാൻസ്‌പോർട്ട് സെന്റർ അറിയിച്ചു.
ഡ്രൈവർമാരോട് ഇതര റൂട്ടുകൾ ഉപയോഗിക്കാനും ട്രാഫിക് നിയമങ്ങൾ കർശനമായി പാലിക്കാനും അബുദാബി പോലീസ് അഭ്യർത്ഥിച്ചിട്ടുണ്ട്. ഈ റോഡുകളിൽ നിയന്ത്രണം കർശനമാക്കുമെന്നും സ്‌മാർട്ട് സംവിധാനങ്ങൾ വഴി നിയമലംഘകർക്ക് പിഴ ചുമത്തുമെന്നും പോലീസ് പറഞ്ഞു.
