ഒരു യാത്രക്കാരൻ വിമാനത്തിന്റെ വാതിൽ തുറന്ന് 20 അടി താഴ്ചയിലേക്ക് \ചാടിയതിനെ തുടർന്ന് ദുബായിലേക്കുള്ള എയർ കാനഡ വിമാനം ആറ് മണിക്കൂർ വൈകി.
കഴിഞ്ഞ തിങ്കളാഴ്ച ജനുവരി 8 ന് ടൊറന്റോ പിയേഴ്സൺ ഇന്റർനാഷണൽ എയർപോർട്ടിന്റെ ടാർമാക്കിൽ ടേക്ക്ഓഫിന് തയ്യാറെടുക്കുന്നതിനിടെ ദുബായിലേക്കുള്ള എയർ കാനഡ AC056 വിമാനത്തിലാണ് ഈ സംഭവമുണ്ടായത്. സംഭവത്തെത്തുടർന്ന് ടൊറന്റോയിൽ നിന്ന് ദുബായിലേക്കുള്ള വിമാനം ആറ് മണിക്കൂർ വൈകി.
യാത്രക്കാരനെ ശുശ്രൂഷിക്കാൻ എമർജൻസി സർവീസുകളും അധികൃതരും സംഭവസ്ഥലത്തെത്തിയിരുന്നു.
ഉദ്യോഗസ്ഥർ ഇയാളെ പിടികൂടി ചികിത്സയ്ക്കായി ആശുപത്രിയിലേക്ക് കൊണ്ടുപോയി. പോലീസ് അന്വേഷണത്തിൽ ഈ വ്യക്തി പ്രതിസന്ധിയിലായിരുന്നെന്നും വീഴ്ച്ചയിൽ നിസ്സാര പരിക്കുകൾ സംഭവിച്ചിട്ടുണ്ടെന്നും കണ്ടെത്തി.
