ദുബായിൽ അടുത്തിടെ പ്രഖ്യാപിച്ച നോൽ കാർഡുകളിൽ ഏറ്റവും കുറഞ്ഞ ടോപ്പ്-അപ്പ് 20 ദിർഹം ആയിരിക്കുമെന്ന പ്രഖ്യാപനം മെട്രോ സ്റ്റേഷനുകളിലെ ഓഫീസുകളിലെ ക്യൂ കുറയ്ക്കാൻ ലക്ഷ്യമിട്ടുള്ളതാണെന്ന് RTA അറിയിച്ചു. ഇന്ന് ജനുവരി 15 ന് ആണ് നോൽ കാർഡുകളിൽ ഏറ്റവും കുറഞ്ഞ ടോപ്പ്-അപ്പ് 20 ദിർഹം എന്ന നിയമം നിലവിൽ വന്നത്.
എന്നാൽ ഇത് മെട്രോ സ്റ്റേഷനുകളിലെ ടിക്കറ്റ് ഓഫീസുകളിൽ നോൽ കാർഡുകൾ ടോപ്പ് അപ്പ് ചെയ്യുന്ന യാത്രക്കാർക്ക് മാത്രമേ ബാധകമാകൂ. മെട്രോ സ്‌റ്റേഷനുകളിൽ സമീപത്തുള്ള കാർഡ് സ്‌കാനിംഗ് മെഷീനുകൾ സ്ഥാപിക്കുന്ന വെൻഡിംഗ് മെഷീനുകളുടെ ടോപ്പ്-അപ്പ് വില വർധിപ്പിച്ചിട്ടില്ല. അതിൽ ഏറ്റവും കുറഞ്ഞ തുക 5 ദിർഹത്തിനും ടോപ് ആപ്പ് ചെയ്യാം. ഈ മെഷീനുകൾ പണവും കാർഡ് പേയ്‌മെന്റും സ്വീകരിക്കും. അതേസമയം യാത്രക്കാർക്ക് ഒരു റൗണ്ട് ട്രിപ്പ് യാത്ര പൂർത്തിയാക്കാൻ 15 ദിർഹം ബാലൻസ് ആവശ്യമാണെന്നും RTA മുന്നറിയിപ്പ് നൽകി.
5 ദിർഹത്തിന് ബാലൻസ് ടോപ്പ് അപ്പ് ചെയ്യാൻ നോൾ പേ ആപ്ലിക്കേഷനും ഉപയോഗിക്കാം. അതിലും മിനിമം ചെലവ് പഴയതുപോലെ തന്നെ തുടരുന്നു. Apple Store, Android, Huawei മൊബൈലുകളിലെല്ലാം നോൽ പേ ആപ്ലിക്കേഷൻ ലഭ്യമാണ്.
ആർടിഎയുടെ ആപ്ലിക്കേഷൻ ( RTA application ) അല്ലെങ്കിൽ ദുബായിലുടനീളമുള്ള തിരഞ്ഞെടുത്ത ബസ് സ്റ്റോപ്പുകളിൽ സ്ഥാപിച്ചിരിക്കുന്ന സോളാർ ടോപ്പ്-അപ്പ് മെഷീനുകൾ (Solar top-up machines), മഹ്ബൂബ് ചാറ്റ്ബോട്ട് ( Mahboub Chatbot) വഴിയും 5 ദിർഹത്തിന് ബാലൻസ് ടോപ്പ് അപ്പ് ചെയ്യാനാകും.
