ഇസ്രായേൽ-ഗാസ യുദ്ധത്തിൽ ദുരിതമനുഭവിക്കുന്ന പലസ്തീൻ രോഗികൾക്ക് നിർണായക വൈദ്യസഹായം നൽകുന്നതിനായി 100 കിടക്കകളുള്ള ഫ്ലോട്ടിംഗ് ആശുപത്രി യുഎഇയിൽ നിന്ന് പുറപ്പെട്ടു.
പുനർനിർമ്മിച്ച കപ്പലിൽ 100 മെഡിക്കൽ, അഡ്മിനിസ്ട്രേറ്റീവ് സ്റ്റാഫുകളുമുണ്ടാകും. ഗാസയിലെ ദുരിതാശ്വാസ പ്രവർത്തനങ്ങൾക്ക് പിന്തുണ നൽകുന്നതിനായി ഈജിപ്ഷ്യൻ നഗരമായ അൽ അരിഷിൻ്റെ തീരത്താണ് കപ്പൽ ഡോക്ക് ചെയ്യുക.
ആശുപത്രിയിൽ ഓപ്പറേഷൻ റൂമുകൾ, തീവ്രപരിചരണ സൗകര്യങ്ങൾ, ലബോറട്ടറി, ഫാർമസി, മെഡിക്കൽ വെയർഹൗസുകൾ എന്നിവയുമുണ്ട്. ഖലീഫ തുറമുഖത്ത് നിന്ന് പുറപ്പെട്ട വിശാലമായ കപ്പലിൽ ഒരു ഒഴിപ്പിക്കൽ വിമാനവും ബോട്ടും രോഗികളെ കൊണ്ടുപോകുന്നതിന് സജ്ജീകരിച്ച ആംബുലൻസുകളും ഉണ്ട്.
