ദുബായ് സഫാരി പാർക്ക് ഇത്തവണ വേനൽക്കാലത്ത് ആദ്യമായി പൊതുജനങ്ങൾക്കായി തുറന്നിരിക്കുമെന്ന് ദുബായ് മുനിസിപ്പാലിറ്റി അറിയിച്ചു. ഇതിനായി പ്രത്യേക സമ്മർ പാസ് ടിക്കറ്റും അവതരിപ്പിച്ചിട്ടുണ്ട്. ഇന്ന് തിങ്കളാഴ്ച അറേബ്യൻ ട്രാവൽ മാർക്കറ്റിൻ്റെ ഉദ്ഘാടന ദിനത്തിലാണ് ദുബായ് മുനിസിപ്പാലിറ്റി ഇക്കാര്യം വെളിപ്പെടുത്തിയത്.
”കഴിഞ്ഞ വർഷം വേനൽക്കാലത്ത് ഞങ്ങൾ ഈ അനുഭവം പരീക്ഷിച്ചു, ഞങ്ങളുടെ മൃഗങ്ങളുടെ ഉറക്കവും ഭക്ഷണ രീതികളും പഠിച്ചു,” ദുബായ് മുനിസിപ്പാലിറ്റിയിലെ പബ്ലിക് പാർക്കുകളുടേയും വിനോദ സൗകര്യങ്ങളുടേയും വകുപ്പ് മേധാവി അഹമ്മദ് ഇബ്രാഹിം അൽസറൂനി പറഞ്ഞു.
ചൂട് ബാധിക്കാതെ മൃഗങ്ങൾ പുറത്തുവരാൻ ദിവസത്തിലെ ഏറ്റവും നല്ല സമയം തിരഞ്ഞെടുക്കാൻ ഞങ്ങൾ ആഗ്രഹിച്ചു. അതിൻ്റെ അടിസ്ഥാനത്തിൽ, 10 പേർ വരെയുള്ള പരിമിതമായ ബാച്ചുകൾക്ക് വേണ്ടി മാത്രമായിരിക്കും ഞങ്ങൾ തുറന്നിരിക്കുകയാണെന്നും അദ്ദേഹം പറഞ്ഞു.
ജൂൺ മുതൽ സെപ്റ്റംബർ വരെയുള്ള സീസണൽ അല്ലാത്ത മാസങ്ങളിൽ സമ്മർ പാസ് രാവിലെയും വൈകുന്നേരവും ഒരിക്കൽ ഹോസ്റ്റുചെയ്യാനാകുന്ന രണ്ട് മണിക്കൂർ സ്വകാര്യ അനുഭവമാണ് ലഭിക്കുക.
10 അതിഥികളെ ഉൾക്കൊള്ളുന്ന സ്വകാര്യ, എയർകണ്ടീഷൻ ചെയ്ത വാഹനത്തിൽ രണ്ട് സാഹസിക യാത്രകളിൽ 90 മിനിറ്റ് ഗൈഡഡ് വാക്ക് ഇൻ ദി വൈൽഡ് ടൂർ എന്നിങ്ങനെ അതിരാവിലെ വന്യജീവികളുമായി അടുത്തിടപഴകാനുള്ള അവസരങ്ങളും നൽകും. സന്ദർശകർക്ക് പ്രകൃതിയിൽ മുഴുകാനും മൃഗങ്ങളെ അവയുടെ സ്വാഭാവിക ആവാസവ്യവസ്ഥയിൽ നിരീക്ഷിക്കാനും അവിസ്മരണീയമായ ഫോട്ടോകൾ പകർത്താനും അവസരമുണ്ടാകും.
