റാസൽ ഖൈമയിലെ വാദി ഹഖീൽ മേഖലയിലെ മലയിൽ നിന്ന് വീണ് ഗുരുതരമായി പരിക്കേറ്റ 30 കാരനായ എമിറാത്തിയെ റാസൽ ഖൈമ പോലീസിൽ നിന്നുള്ള തിരച്ചിൽ, രക്ഷാപ്രവർത്തകർ എയർലിഫ്റ്റ് ചെയ്ത് രക്ഷപ്പെടുത്തി.
വാദി ഹഖീലിലെ ദുർഘടമായ പ്രദേശത്ത് വീണ ഒരു പൗരനെക്കുറിച്ച് റിപ്പോർട്ട് ലഭിച്ച ഉടൻ തന്നെ റാസൽ ഖൈമ പോലീസ് നിരവധി പ്രത്യേക ഉദ്യോഗസ്ഥരെ നിർദ്ദിഷ്ട സ്ഥലത്തേക്ക് അയക്കുകയായിരുന്നു.
ദുഷ്‌കരമായ പർവതപ്രദേശങ്ങളിലൂടെ രണ്ട് മണിക്കൂർ കാൽനടയാത്രയ്ക്ക് ശേഷം, പരിക്കേറ്റ ആളുടെ അടുത്തേക്ക് ടീമുകൾ എത്തുകയും, അദ്ദേഹത്തിന് ഗുരുതരമായ പരിക്ക് ഉണ്ടെന്നും അനങ്ങാൻ കഴിയില്ലെന്നും എയർലിഫ്റ്റ് ആവശ്യമാണെന്നും കണ്ടെത്തി രക്ഷപ്പെടുത്തി ആശുപത്രിയിലെത്തിക്കുകയായിരുന്നു.
