യുഎഇ മന്ത്രിസഭയില്‍ അഴിച്ചുപണി : പുതിയ മന്ത്രിമാരെ പ്രഖ്യാപിച്ച് ഷെയ്ഖ് മുഹമ്മദ്

യുഎഇ ഫെഡറൽ ഗവൺമെന്റിന്റെ പുനഃസംഘടനയ്ക്ക് പ്രസിഡന്റ് ഹിസ് ഹൈനസ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ ഇന്ന് ചൊവ്വാഴ്ച അംഗീകാരം നൽകി.

പ്രസിഡന്റുമായുള്ള കൂടിയാലോചനകൾക്ക് ശേഷമാണ് വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂം പുതിയ മന്ത്രിസഭയെ പ്രഖ്യാപിച്ചു.

പുനഃസംഘടന പ്രകാരം, ഷമ്മ ബിൻത് സുഹൈൽ അൽ മസ്‌റൂയിയെ കമ്മ്യൂണിറ്റി ഡവലപ്‌മെന്റ് മന്ത്രിയായും സലേം ബിൻ ഖാലിദ് അൽ ഖാസിമിയെ സാംസ്‌കാരിക യുവജന മന്ത്രിയായും നിയമിച്ചു. കാബിനറ്റ് സെക്രട്ടറി ജനറൽ മറിയം ബിൻത് അഹമ്മദ് അൽ ഹമ്മദി ഇപ്പോൾ യുഎഇ സർക്കാരിൽ സഹമന്ത്രിയായി.