റമദാനിലെ ആദ്യ ദിവസം 13 പുരുഷന്മാരും നാല് സ്ത്രീകളും ഉൾപ്പെടെ 17 വ്യക്തികളെ അറസ്റ്റ് ചെയ്തതായി ദുബായ് പോലീസിലെ ജനറൽ ഡിപ്പാർട്ട്‌മെൻ്റ് ഓഫ് ക്രിമിനൽ ഇൻവെസ്റ്റിഗേഷനിലെ സസ്‌പെക്ട്സ് ആൻഡ് ക്രിമിനൽ ഫിനോമിന ഡിപ്പാർട്ട്‌മെൻ്റ് ഡയറക്ടർ കേണൽ അലി സലേം അൽ ഷംസി അറിയിച്ചു.
ഭിക്ഷാടന വിരുദ്ധ കാമ്പയിൻ കുറ്റവാളികൾക്കെതിരെ കർശനവും നിർണായകവുമായ നടപടികൾ സ്വീകരിച്ചതിനാൽ യാചകരുടെ എണ്ണത്തിൽ വർഷം തോറും കുറവുണ്ടായതായി അദ്ദേഹം പറഞ്ഞു.
ഭിക്ഷാടനത്തെ ചെറുക്കുന്നതിനും യാചകരെ കണ്ടെത്താൻ സാധ്യതയുള്ള സ്ഥലങ്ങളിൽ പട്രോളിംഗ് ശക്തമാക്കുന്നതിനുമായി ദുബായ് പോലീസ് വർഷം തോറും സമഗ്രമായ സുരക്ഷാ പദ്ധതി ആവിഷ്കരിക്കുന്നുണ്ടെന്നും അൽ ഷംസി പറഞ്ഞു.
