യുഎഇയിൽ ചില സമയങ്ങളിൽ മണിക്കൂറിൽ 45 കിലോമീറ്റർ വരെ വേഗതയിൽ പുതിയ ശക്തമായ കാറ്റിന് സാധ്യതയുണ്ടെന്ന് ഇന്ന് തിങ്കളാഴ്ച യുഎഇയിലെ നാഷണൽ സെൻ്റർ ഓഫ് മെറ്റീരിയോളജി മുന്നറിയിപ്പ് നൽകി.
പൊടിക്കാറ്റിനെത്തുടർന്ന് തിരശ്ചീന ദൃശ്യപരത 2000 മീറ്ററിൽ താഴെയാകുകയും അത് ഇന്ന് വൈകുന്നേരം 6 മണി വരെ തുടരാനും സാധ്യതയുണ്ടെന്ന് നാഷണൽ സെൻ്റർ ഓഫ് മെറ്റീരിയോളജി എക്‌സിലൂടെയാണ് മുന്നറിയിപ്പ് നൽകിയത്.
അബുദാബിയിലെ അൽ ഐൻ, നഹിൽ എന്നിവയുൾപ്പെടെയുള്ള ഭാഗങ്ങളിൽ ഔട്ട്ഡോർ പ്രവർത്തനങ്ങളിൽ ഏർപ്പെടുന്ന പൊതുജനങ്ങളോട് ജാഗ്രത പാലിക്കണമെന്നും ആവശ്യപ്പെട്ടിട്ടുണ്ട്. അതിന്റെ ഭാഗമായുള്ള യെല്ലോ അലർട്ടും NCM പുറപ്പെടുവിച്ചിട്ടുണ്ട്.
