ഷാർജയിൽ ബൈക്ക് അപകടത്തിൽ പരിക്കേറ്റ 36 കാരനെ ഹെലികോപ്റ്ററിൽ ആശുപത്രിയിലേക്ക് മാറ്റി.
ഷാർജയിലെ അൽ ബദയേർ മേഖലയിലാണ് 36 കാരനായ ഏഷ്യൻ പ്രവാസി ബൈക്ക് അപകടത്തിൽപെട്ടത്. ആഭ്യന്തര മന്ത്രാലയത്തിലെ ജനറൽ ഡയറക്ടറേറ്റ് ഓഫ് സെക്യൂരിറ്റി സപ്പോർട്ടിലെ എയർ വിംഗ് ഡിപ്പാർട്ട്‌മെൻ്റിൻ്റെ എയർ ആംബുലൻസ് സംഘമാണ് അടിയന്തര ഒഴിപ്പിക്കൽ നടത്തിയത്. പരിക്കേറ്റയാളെ ആവശ്യമായ വൈദ്യചികിത്സയ്ക്കായി ഉടൻ തന്നെ അൽ ദൈദ് ആശുപത്രിയിലേക്ക് എയർലിഫ്റ്റ് ചെയ്യുകയായിരുന്നു.
നേരത്തെ, ഷാർജയിലെ അൽ ഖുദൈറയിൽ രണ്ട് വാഹനങ്ങൾ കൂട്ടിയിടിച്ച് ഗുരുതരമായി പരിക്കേറ്റ 25 കാരനായ ഏഷ്യൻ പ്രവാസിയെ പുറത്തെടുക്കാൻ എയർ ആംബുലൻസ് ജീവനക്കാർ ഓടിയെത്തിയിരുന്നു.
