ഉമ്മുൽ ഖുവൈൻ ബീച്ചിൽ കോഴിക്കോട് പേരാമ്പ്ര സ്വദേശി മുങ്ങിമരിച്ചു. കോഴിക്കോട് പേരാമ്പ്ര കൈതക്കൽ സ്വദേശി അർജുൻ (32) ആണ് ഉമ്മുൽ ഖുവൈൻ ബീച്ചിൽ മരണപ്പെട്ടത്. കഴിഞ്ഞ വെള്ളിയാഴ്‌ച വൈകീട്ട് ഏഴോടെയായിരുന്നു സംഭവം. ഭാര്യയും കൂട്ടുകാരുമൊന്നിച്ച് ബീച്ചിൽ കുളിക്കാനിറങ്ങിയപ്പോൾ വെള്ളത്തിൽ വീഴുകയായിരുന്നു.
ഭാര്യ: ദർശന. പേരാമ്പ്ര കൈതക്കൽ കണിയാൻകണ്ടി പ്രേമൻ-ഗീത ദമ്പതികളുടെ മകനാണ്. ഏകസ ഹോദരി അഞ്ജന അയർലൻഡിലാണ്. ഉമ്മുൽ ഖുവൈൻ ഹോസ്‌പിറ്റൽ മോർച്ചറിയിലുള്ള മൃതദേഹം നാട്ടിൽ കൊണ്ടുപോകാനുള്ള നടപടികൾ പുരോഗമിക്കുന്നതായി ബന്ധുക്കൾ അറിയിച്ചു.
