2026-ലെ ഐ.എം.ഡി (IMD) വേൾഡ് കോംപറ്റിറ്റീവ്നസ് ഇയർബുക്കിൽ യുഎഇ ആഗോളതലത്തിൽ അഞ്ചാം സ്ഥാനം കരസ്ഥമാക്കി. ഇതോടെ തുടർച്ചയായ പത്താം വർഷവും അറബ് ലോകത്തെയും മിഡിൽ ഈസ്റ്റ് – നോർത്ത് ആഫ്രിക്ക (MENA) മേഖലയിലെയും ഏറ്റവും മത്സരശേഷിയുള്ള (competitive) സമ്പദ്വ്യവസ്ഥ എന്ന പദവി യുഎഇ നിലനിർത്തി.
സാമ്പത്തിക പ്രകടനം (economic performance), ബ്യൂറോക്രസി കാര്യക്ഷമത, ഗവൺമെന്റ് നയങ്ങളുടെ പൊരുത്തപ്പെടൽ ശേഷി (adaptability) എന്നിവയിൽ യുഎഇ ആഗോളതലത്തിൽ ഒന്നാം സ്ഥാനത്താണ്. കൂടാതെ, 21 അന്താരാഷ്ട്ര മത്സരശേഷി സൂചകങ്ങളിൽ മുന്നിലെത്തിയ രാജ്യം, 67 സൂചകങ്ങളിലും ഉപഘടകങ്ങളിലും ലോകത്തെ ആദ്യ അഞ്ച് സ്ഥാനങ്ങളിൽ ഇടംപിടിക്കുകയും ചെയ്തു.
യുഎഇയുടെ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാന്റെ ശക്തമായ നേതൃത്വവും രാജ്യത്തിന്റെ ദീർഘകാല വികസന തന്ത്രവുമാണ് ഈ നേട്ടത്തിന് കാരണമെന്ന്, ഫലങ്ങൾ പ്രഖ്യാപിച്ചുകൊണ്ട് യു.എ.ഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം വ്യക്തമാക്കി
