റാസൽഖൈമയിൽ അപൂർവ്വ ശസ്ത്രക്രിയയിലൂടെ 2 രോഗികളുടെ വയറ്റിൽ നിന്ന് നെയിൽ കട്ടറും ബാറ്ററിയും കാന്തവും പുറത്തെടുത്തു
റാസൽഖൈമയിലെ ഇബ്രാഹിം ബിൻ ഹമദ് ഉബൈദുള്ള ഹോസ്പിറ്റൽ മെഡിക്കൽ ടീമാണ് രണ്ട് വ്യത്യസ്ത കേസുകളിലായി വയറ്റിൽ അന്യവസ്തുക്കൾ കുടുങ്ങിയ രോഗികളെ രക്ഷപ്പെടുത്തിയത്.
വയറുവേദനയുമായി എത്തിയ മുതിർന്ന വ്യക്തിയുടെ (Man) ആമാശയത്തിൽ നിന്നാണ് നെയിൽ ക്ലിപ്പർ അടിയന്തിര ചികിത്സയിലൂടെ പുറത്തെടുത്തത്.
അപകടകരമായ രീതിയിൽ ബാറ്ററിയും കാന്തവും വിഴുങ്ങിയ 14 വയസ്സുള്ള ആൺകുട്ടിയുടെ വയറ്റിൽ നിന്ന് വെറും 15 മിനിറ്റ് നീണ്ട എൻഡോസ്കോപ്പിക് നടപടിക്രമത്തിലൂടെ (Endoscopic procedure) അവ സുരക്ഷിതമായി പുറത്തെടുത്തു.
ശസ്ത്രക്രിയകൾക്ക് ശേഷം രണ്ട് രോഗികളുടെയും ആരോഗ്യനില തൃപ്തികരമാണെന്നും യാതൊരുവിധ അനുബന്ധ പ്രയാസങ്ങളും ഉണ്ടായിട്ടില്ലെന്നും ഡോക്ടർമാർ സ്ഥിരീകരിച്ചു.
ബാറ്ററിയും കാന്തവും പോലുള്ള വസ്തുക്കൾ കുട്ടികൾ വിഴുങ്ങുന്നത് കുടലിൽ ഗുരുതരമായ ദ്വാരങ്ങളും അണുബാധയും ഉണ്ടാക്കാൻ സാധ്യതയുള്ളതിനാൽ രക്ഷിതാക്കൾ അതീവ ജാഗ്രത പാലിക്കണമെന്ന് മെഡിക്കൽ സംഘം മുന്നറിയിപ്പ് നൽകി.
