2027 ജനുവരി 1 മുതൽ യു.എ.ഇയിൽ ഡ്രൈവിംഗ് ലൈസൻസ് പരീക്ഷാ നിയമങ്ങളിൽ നിർണ്ണായക മാറ്റങ്ങൾ പ്രാബല്യത്തിൽ വരുന്നു. പുതിയ നിയമപ്രകാരം തിയറി, പ്രാക്ടിക്കൽ പരീക്ഷകളിൽ കുറഞ്ഞത് 75 ശതമാനം മാർക്ക് നേടണമെങ്കിലും, പരീക്ഷയ്ക്കിടെ ഗുരുതരമായ പരാജയങ്ങൾ (Dangerous mistakes) വരുത്തിയാൽ ഉദ്യോഗാർത്ഥികൾ യാന്ത്രികമായി പരാജയപ്പെടും (Automatic fail).
ഓട്ടോമാറ്റിക് പരാജയത്തിന് കാരണമാകുന്ന ഗുരുതര പിഴവുകൾ (Article 68):
- വാഹനം നിയന്ത്രണം വിട്ടുപോവുക.
- റോഡ് സൈഡിലെ കേർബ്ബ് (Kerb) അല്ലെങ്കിൽ ബാരിയറുകളിൽ വാഹനം തട്ടിക്കുക.
- ട്രാഫിക് സിഗ്നലുകളോ ലൈറ്റുകളോ അവഗണിക്കുക.
- ഗിയർ മാറ്റുമ്പോൾ ഗുരുതരമായ സുരക്ഷാ വീഴ്ചകൾ വരുത്തുക.
- അപകട ഒഴിവാക്കാൻ പരീക്ഷകന് (Examiner) സ്റ്റിയറിംഗിലോ ബ്രേക്കിലോ ഇടപെടേണ്ടി വരികയോ വാക്കാൽ താക്കീത് നൽകേണ്ടി വരികയോ ചെയ്യുക.
പുനഃപരീക്ഷാ നടപടികൾ (Article 69):
- പരീക്ഷയിൽ പരാജയപ്പെടുന്നവർക്ക് ലൈസൻസിംഗ് അതോറിറ്റി പുതിയ തീയതി അനുവദിക്കും.
- റീ-ടെസ്റ്റിന് മുൻപ് നിർബന്ധിത ഡ്രൈവിംഗ് ക്ലാസുകളോ പ്രത്യേക കാത്തിരിപ്പ് കാലാവധിയോ നിയമത്തിൽ എടുത്തുപറയുന്നില്ല. ഇവ അതത് എമിറേറ്റുകളിലെ ലൈസൻസിംഗ് അതോറിറ്റികളുടെ തീരുമാനത്തിന് വിധേയമായിരിക്കും.
നിലവിൽ പഠിക്കുന്നവർക്കും ബാധകം:
2027 ജനുവരി 1 മുതൽ നടപ്പിലാകുന്ന ഈ നിയമം അതിന് മുൻപ് ക്ലാസുകൾ ആരംഭിച്ചവർക്കും ടെസ്റ്റ് ബുക്ക് ചെയ്തവർക്കും ഒരുപോലെ ബാധകമായിരിക്കും.
