ഷാർജയിലെ കൽബയിൽ സ്ത്രീകൾക്ക് പൂർണ്ണ സ്വകാര്യതയും വിശ്രമസൗകര്യങ്ങളും ഉറപ്പുനൽകുന്നതിനായി പ്രത്യേക ടവറും വിനോദ പാർക്കും നിർമ്മിക്കാൻ സുപ്രീം കൗൺസിൽ അംഗവും ഷാർജ ഭരണാധികാരിയുമായ റഗുലർ ഹിസ് ഹൈനസ് ഷെയ്ഖ് ഡോ. സുൽത്താൻ ബിൻ മുഹമ്മദ് അൽ ഖാസിമി ഉത്തരവിട്ടു.
സ്ത്രീകൾക്ക് നൽകുന്ന പ്രത്യേക ഉപഹാരമായാണ് ഷാർജ ഭരണാധികാരി ഈ പുതിയ പദ്ധതിയെ വിശേഷിപ്പിച്ചത്.
കൽബ സർവ്വകലാശാലയ്ക്ക് (University of Kalba) സമീപമാണ് മനോഹരമായ കാഴ്ചകൾ സമ്മാനിക്കുന്ന ടവർ ഉയർന്നുവരുന്നത്.ടവറിനോട് ചേർന്ന് സ്ത്രീകൾക്ക് മാത്രമായി വിനോദത്തിനും വിശ്രമത്തിനുമുള്ള വലിയൊരു ഔട്ട്ഡോർ പാർക്കും നിർമ്മിക്കും.
ഇൻഡോർ ഗെയിമുകളും വിവിധ വിനോദ പരിപാടികളും ഉൾക്കൊള്ളുന്ന വലിയ എയർ കണ്ടീഷൻഡ് ഹാളും ഈ സമുച്ചയത്തിൽ ഉൾപ്പെടും.നിലവിൽ കൽബയിലെ ക്ലോക്ക് ടവറിൽ എല്ലാ വിഭാഗം ആളുകളും വലിയ തോതിൽ തടിച്ചുകൂടുന്നതിനാൽ, സ്ത്രീകൾക്ക് കൂടുതൽ സ്വകാര്യതയോടും സ്വാതന്ത്ര്യത്തോടും കൂടി സമയം ചെലവഴിക്കാനുള്ള സൗകര്യമൊരുക്കുക എന്നതാണ് ഈ പദ്ധതിയിലൂടെ ലക്ഷ്യമിടുന്നത്.
