അജ്മാൻ മുനിസിപ്പാലിറ്റി 2021-ൽ 1,406 ഭക്ഷ്യ സ്ഥാപനങ്ങളുടെ തീവ്രമായ പരിശോധനാ കാമ്പെയ്‌നുകളിൽ ആരോഗ്യ നിയന്ത്രണങ്ങളും കോവിഡ് നടപടികളും ലംഘിച്ചതിന് 2,240 ഭക്ഷണശാലകൾക്ക് പിഴ ചുമത്തുകയും മുന്നറിയിപ്പ് നൽകുകയും ചെയ്തു.
പരിശോധനാ ജോലികൾ കൈകാര്യം ചെയ്യുന്നതിൽ മികച്ച സവിശേഷതകൾ നൽകുന്ന റഗീബ്’ സ്മാർട്ട് ഇൻസ്പെക്ഷൻ സിസ്റ്റം ഉപയോഗിച്ചാണ് ഇൻസ്പെക്ടർമാർ ലംഘനങ്ങൾ കണ്ടെത്തിയത്.
എമിറേറ്റിലെ ഉപഭോക്താക്കൾക്ക് ഭക്ഷ്യസുരക്ഷ ഉറപ്പാക്കാൻ വകുപ്പ് വലിയ ശ്രമങ്ങളാണ് നടത്തിയതെന്ന് അജ്മാൻ മുനിസിപ്പാലിറ്റിയിലെ ആരോഗ്യ പരിസ്ഥിതി വകുപ്പ് എക്‌സിക്യൂട്ടീവ് ഡയറക്ടർ എഞ്ചിനീയർ ഖാലിദ് അൽ ഹൊസാനി പറഞ്ഞു.
