യു എ ഇയിൽ ഇന്ന് 2022 ഫെബ്രുവരി 14 ന് പുതിയ 1,191 കൊറോണ വൈറസ് കേസുകളാണ് റിപ്പോർട്ട് ചെയ്തിരിക്കുന്നത്. കഴിഞ്ഞ 24 മണിക്കൂറിനുള്ളിൽ 2 കോവിഡ് മരണങ്ങളും 2,713 പേർക്ക് രോഗമുക്‌തിയും രേഖപ്പെടുത്തി.
1,191 പുതിയ കൊറോണ വൈറസ് കേസുകളോടെ യുഎഇയിൽ ഇതുവരെ റിപ്പോർട്ട് ചെയ്യപ്പെട്ട കൊറോണ വൈറസ് കേസുകളുടെ എണ്ണം 869,428 ആയി. യുഎഇയിൽ കോവിഡുമായി ബന്ധപ്പെട്ടുള്ള ഇത് വരെയുള്ള മരണസംഖ്യ 2,287 ആണ്. കഴിഞ്ഞ 24 മണിക്കൂറിനുള്ളിൽ 2,713 പേർ കൂടി രോഗമുക്‌തി നേടിയതോടെ ആകെ മുക്‌തി നേടിയവരുടെ എണ്ണം 803,597 ആയി.
നിലവിൽ യു എ ഇയിൽ 63,544 സജീവ കോവിഡ് കേസുകളാണുള്ളത്. 389,858 അധിക പരിശോധനകളിലൂടെയാണ് ഇന്നത്തെ 1,191 പുതിയ കേസുകൾ കണ്ടെത്തിയത്.
