അജ്മാൻ എമിറേറ്റിലെ ഗതാഗത അതോറിറ്റിയായ അജ്മാൻ ട്രാൻസ്‌പോർട്ട് ടാക്സി നിരക്കുകളിൽ മാറ്റം വരുത്തി.
2023 ഫെബ്രുവരി മാസത്തേക്ക് ഒരു കിലോമീറ്ററിന് 1.83 ദിർഹം ഈടാക്കുമെന്ന് അതോറിറ്റി അറിയിച്ചു. കഴിഞ്ഞ മാസം ഒരു കിലോമീറ്ററിന് 1.78 ദിർഹം ആയിരുന്നതിനേക്കാൾ 5 ഫിൽസ് കൂടുതലാണിത്.
യുഎഇയിൽ ഈ മാസം ഇന്ധനവിലയിൽ ലിറ്ററിന് 27 ഫിൽസ് വരെ വർധനയുണ്ടായതിന്റെ അടിസ്ഥാനത്തിലാണ് ഈ ടാക്സി നിരക്കുകളിൽ നേരിയ വർദ്ധനവ് ഏർപ്പെടുത്തിയത്.
