നടപ്പാതകളിലും സ്‌പോർട്‌സ് ട്രാക്കുകളിലും മറ്റ് നിയുക്തമല്ലാത്ത സ്ഥലങ്ങളിലും വാഹനങ്ങൾ പാർക്ക് ചെയ്യുന്നവർക്ക് 1000 ദിർഹം പിഴ ചുമത്തുമെന്ന് അബുദാബി സിറ്റി മുനിസിപ്പാലിറ്റി മുന്നറിയിപ്പ് നൽകി.
പൊതു ആസ്തികളും അടിസ്ഥാന സൗകര്യങ്ങളും സംരക്ഷിക്കുന്നതിനുള്ള മുനിസിപ്പൽ മാനദണ്ഡങ്ങളുടെ ലംഘനമായി ഇത് കണക്കാക്കുമെന്ന് മുനിസിപ്പാലിറ്റി സോഷ്യൽ മീഡിയ പ്ലാറ്റ്‌ഫോമുകളിൽ പ്രസ്താവനയിൽ പറഞ്ഞു.
ട്രാഫിക്കിന്റെ ഒഴുക്ക് തടയുന്നതോ മറ്റ് കാൽനടയാത്രക്കാർക്കും റോഡ് ഉപയോക്താക്കൾക്കും അസൗകര്യമുണ്ടാക്കുന്ന രീതിയിലോ , നിയുക്തമല്ലാത്ത സ്ഥലങ്ങളിൽ വാഹനങ്ങൾ പാർക്ക് ചെയ്യരുതെന്നും അധികൃതർ നിർദ്ദേശിച്ചു.
