ഇന്നലെ മെയ് 22 തിങ്കളാഴ്ച രണ്ട് സൗദി ബഹിരാകാശ സഞ്ചാരികൾ യുഎഇയുടെ സുൽത്താൻ അൽ നെയാദിയുടെ ഭ്രമണപഥത്തിൽ എത്തിയതോടെ അന്താരാഷ്ട്ര ബഹിരാകാശ നിലയത്തിലെ അറബ് ജനസംഖ്യ മൂന്നായി ഉയർന്നു. ഈന്തപ്പഴവും വെള്ളവും നൽകിയാണ് സൗദി ബഹിരാകാശയാത്രികരെ സുൽത്താൻ അൽനെയാദി സ്വാഗതം ചെയ്തത്.
ഗവേഷണ ശാസ്ത്രജ്ഞനായ റയ്യാന ബർനാവിയും യുദ്ധവിമാന പൈലറ്റായ അലി അൽ ഖർനിയുമാണ് എട്ട് ദിവസത്തെ ശാസ്ത്ര ദൗത്യത്തിനായി ബഹിരാകാശത്ത് എത്തിയിട്ടുള്ളത്. 1985-ൽ സുൽത്താൻ ബിൻ സൽമാൻ രാജകുമാരനെ നാസയുടെ സ്പേസ് ഷട്ടിൽ ഒരാഴ്ചത്തെ യാത്രയ്ക്കായി അയച്ചതിന് ശേഷം ഈ രണ്ടുപേർ ബഹിരാകാശത്തെത്തിയ ആദ്യത്തെ സൗദി പൗരന്മാരായി മാറി.
Axiom 2 ദൗത്യത്തിന്റെ ഭാഗമായി സൗദികളെയും രണ്ട് അമേരിക്കൻ ബഹിരാകാശ സഞ്ചാരികളെയും വഹിച്ചുള്ള SpaceX Dragon ക്യാപ്സ്യൂൾ, GST വൈകുന്നേരം 5.12 നാണ് സയൻസ് ലബോറട്ടറിയിൽ ഡോക്ക് ചെയ്തത്.
