ഇന്ന് ചൊവ്വാഴ്ച പുലർച്ചെ അൽ ഐനിലുണ്ടായ അപകടത്തിൽ അഞ്ച് സ്വദേശി യുവാക്കൾ കൊല്ലപ്പെട്ടതായി അബുദാബി പോലീസ് അറിയിച്ചു. മരിച്ചവരിൽ മൂന്ന് പേർ അടുത്തിടെ ഹൈസ്‌കൂൾ ബിരുദം നേടിയവരാണെന്നും ഒരാൾ 12-ാം ക്ലാസ് വിദ്യാർത്ഥിയാണെന്നും പോലീസ് പറഞ്ഞു. സാ റോഡിൽ (Saa’a Road ) രണ്ട് വാഹനങ്ങൾ തമ്മിൽ കൂട്ടിയിടിച്ചാണ് ഇവർ മരിച്ചതെന്ന് അധികൃതർ അറിയിച്ചു.
അലി അഹമ്മദ് അലി അൽ സാദി, അലി ഖമീസ് മുഹമ്മദ് അൽ സാദി, ഹമ്മൂദ് അബ്ദുൽ അസീസ് അലി അൽ സാദി, റാഷിദ് അബ്ദുല്ല മുഹമ്മദ് അൽ സാദി, അബ്ദുല്ല അലി അബ്ദുല്ല ഈദ് അൽ കുത്ബി എന്നിവരാണ് മരിച്ചത്. അപകടത്തിൽപ്പെട്ട ആറാമത്തെയാൾക്ക് ഗുരുതരമായി പരിക്കേറ്റ് ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലാണ്. 
