അബുദാബി മരുഭൂമിയിൽ 150 പൂച്ചകളെ ഉപേക്ഷിച്ച നിലയിൽ കണ്ടെത്തിയതിനെ തുടർന്ന് അബുദാബി മുനിസിപ്പാലിറ്റി ആന്റ് ട്രാൻസ്‌പോർട്ട് ഡിപ്പാർട്ട്‌മെന്റ് അന്വേഷണം ആരംഭിച്ചു.
കഴിഞ്ഞ വെള്ളിയാഴ്ച രാവിലെയാണ് അൽ ഫലാഹ് പ്രദേശത്ത് ധാരാളം പൂച്ചകൾ ഭക്ഷണവും വെള്ളവും തേടുന്നത് താമസക്കാർ കണ്ടെത്തിയത് . 90 പൂച്ചകൾ അതിജീവിച്ചതായി രക്ഷാപ്രവർത്തകർ പറഞ്ഞു, ചിലത് സമീപത്തെ കമ്മ്യൂണിറ്റികളിലേക്ക് കടന്നെങ്കിലും കുറഞ്ഞത് 62 എണ്ണം ചത്തിരുന്നു.
അബുദാബി മുനിസിപ്പാലിറ്റി ആന്റ് ട്രാൻസ്‌പോർട്ട് ഡിപ്പാർട്ട്‌മെന്റ് “റിപ്പോർട്ട് ലഭിച്ചതിന് ശേഷം ഈ പ്രവൃത്തി ചെയ്തവരെ കണ്ടെത്താൻ അന്വേഷണം ആരംഭിച്ചതായും ഇവർക്കെതിരെ നിയമപരവുമായ എല്ലാ നടപടികളും സ്വീകരിക്കുമെന്നും അറിയിച്ചു.
