ദുബായിലെ അൽ റുവയ്യ മരുഭൂമിയിൽ അപകടകരമായ സ്റ്റണ്ടുകൾ നടത്തിയപ്പോൾ വാഹനം മറിഞ്ഞതിനെത്തുടർന്ന് 18 നും 20 നും ഇടയിൽ പ്രായമുള്ള അഞ്ച് സ്വദേശികൾക്ക് പരിക്കേറ്റതായി ദുബായ് പോലീസ് ഇന്ന് ചൊവ്വാഴ്ച അറിയിച്ചു.
19 കാരനായ ഡ്രൈവറാണ് അശ്രദ്ധമായി വാഹനമോടിക്കുകയും മണൽപ്രദേശത്ത് സ്റ്റണ്ടുകൾ നടത്തുകയും ചെയ്തത്. ഇന്നലെ തിങ്കളാഴ്ച രാത്രി 9 മണിയോടെയാണ് അപകടമുണ്ടായത്. അപകടത്തിൽ വാഹനത്തിന്റെ വിൻഡ്ഷീൽഡും ജനാലകളും തകർന്നിട്ടുണ്ട്. പരിക്കേറ്റവരെ ഉടൻ തന്നെ ആശുപത്രിയിൽ പ്രവേശിപ്പിച്ചതായും ദുബായ് പോലീസ് പറഞ്ഞു.