നിങ്ങൾ ഒരു കുറ്റകൃത്യത്തിന് ഇരയായിട്ടുണ്ടെങ്കിലോ സംശയാസ്പദമായ എന്തെങ്കിലും പ്രവർത്തനങ്ങൾ കണ്ടിട്ടുണ്ടെങ്കിലോ അല്ലെങ്കിൽ എന്തെങ്കിലും റോഡപകടങ്ങൾക്കും നിയമലംഘനങ്ങൾക്കും സാക്ഷ്യം വഹിച്ചിട്ടുണ്ടെങ്കിലോ ഇപ്പോൾ ദുബായിലുടനീളമുള്ള അടുത്തുള്ള പെട്രോൾ സ്റ്റേഷനിൽ അവ റിപ്പോർട്ട് ചെയ്യാമെന്ന് ദുബായ് പോലീസ് ർ അറിയിച്ചു.
ഇതിനായി ദുബായ് പോലീസ് അടുത്തിടെ പെട്രോൾ കമ്പനികളായ എമിറേറ്റ്‌സ് നാഷണൽ ഓയിൽ കമ്പനി (Enoc), അബുദാബി നാഷണൽ ഓയിൽ കമ്പനി (ADNOC), എമറാത്ത് എന്നിവയുമായി സഹകരിച്ച് ഓൺ-ദി-ഗോ എന്ന പുതിയ സേവനം നൽകി വരുന്നുണ്ട്.
ഈ നൂതന സേവനം വ്യക്തികളെ ലംഘനങ്ങൾ റിപ്പോർട്ട് ചെയ്യാനും സുരക്ഷാ നടപടികൾ വർദ്ധിപ്പിക്കുന്നതിന് സംഭാവന നൽകാൻ പ്രാപ്തരാക്കുന്നുവെന്നും താമസക്കാർക്കും വിനോദസഞ്ചാരികൾക്കും എന്തെങ്കിലും തെറ്റുകൾ റിപ്പോർട്ട് ചെയ്യാനും അധികാരികളിൽ നിന്ന് ഉടനടി നടപടി സ്വീകരിക്കാനും ഒരു പോലീസ് സ്റ്റേഷനിലും പോകേണ്ട ആവശ്യമില്ലാതാക്കുകയും ചെയ്യുന്നുവെന്ന് ദുബായ് പോലീസ് പറഞ്ഞു.
