യുഎഇ ടൂർ വനിതാ സൈക്ലിംഗ് റേസിന്റെ മൂന്നാം ഘട്ടത്തിനായി അൽഐനിലെ ചില റോഡുകൾ ഇന്ന് ശനിയാഴ്ച്ച ഉച്ചയ്ക്ക് 12.30 മുതൽ പല ഘട്ടങ്ങളിലായി 4.30 വരെ അടച്ചിടുമെന്ന് അബുദാബിയിലെ ഇൻ്റഗ്രേറ്റഡ് ട്രാൻസ്‌പോർട്ട് സെൻ്റർ അറിയിച്ചു. അൽഐൻ പോലീസ് മ്യൂസിയം മുതൽ ജബൽ ഹഫീത് വരെയാണ് മൂന്നാം ഘട്ടം ഉണ്ടാകുക.
നാലാമത്തെയും അവസാനത്തെയും ഘട്ടത്തിൽ റൈഡറുകൾ ലൂവ്രെ അബുദാബി മ്യൂസിയത്തിൽ നിന്ന് ആരംഭിച്ച് അബുദാബി ബ്രേക്ക്‌വാട്ടറിൽ അവസാനിപ്പിക്കും.
വാഹനമോടിക്കുന്നവർ ശ്രദ്ധാപൂർവം വാഹനമോടിക്കാനും ട്രാഫിക് നിയമങ്ങളും ചട്ടങ്ങളും പാലിക്കാനും അതോറിറ്റി അഭ്യർത്ഥിച്ചു.
