ജിസിസിയിൽ നഗരാതിർത്തികളിലേക്കും സാന്നിദ്ധ്യം വിപുലമാക്കി ലുലു ; യുഎഇ – സൗദി അന്താരാഷ്ട്ര അതിർത്തിക്ക് സമീപമുള്ള അൽ സിലയിൽ പുതിയ എക്സ്പ്രസ് സ്റ്റോർ തുറന്നു
അബുദാബി : റീട്ടെയ്ൽ സാന്നിദ്ധ്യം കൂടുതൽ വിപുലമാക്കുന്നതിന്റെ ഭാഗമായി അൽ ദഫ്ര റീജിയണിലെ അൽ സിലയിൽ പുതിയ ലുലു എക്സ്പ്രസ് സ്റ്റോർ തുറന്നു. യുഎഇ – സൗദി അന്താരാഷ്ട്ര അതിർത്തിക്ക് സമീപമായതിനാൽ രാജ്യാന്തര യാത്രകാർക്ക് ഉൾപ്പടെ സൗകര്യപ്രദമാകും അൽ സില ലുലു എക്സ്പ്രസ് സ്റ്റോർ. നഗരാതിർത്തികളിലേക്കും റീട്ടെയ്ൽ സേവനം വിപുലമാക്കുന്നതിന്റെ ഭാഗമായാണ് യുഎഇ – സൗദി അന്താരാഷ്ട്ര അതിർത്തിക്ക് സമീപമുള്ള പുതിയ ലുലു സ്റ്റോർ .
അൽ ദഫ്ര റീജിയൺ മുനിസിപ്പാലിറ്റി ഏരിയ പ്ലാനിങ്ങ് ആൻഡ് റസിഡൻസ് റിലേഷൻസ് ഡിവിഷൻ മാനേജർ മസ്ന സലേം അൽമൻസൂരി, അൽ ലുൽ ട്രാൻസ്പോർട്ട്സ് ചീഫ് ഇൻവെസ്റ്റ്മെന്റ് ഓഫീസർ അലി അൽമൻസൂരി എന്നിവർ ചേർന്ന് അൽ സില ലുലു എക്സ്പ്രസ് സ്റ്റോറിന്റെ ഉദ്ഘാടനം നിർവ്വഹിച്ചു.
18700 സ്ക്വയർ ഫീറ്റിലുള്ള ലുലു എക്സ്പ്രസ് സ്റ്റോറിൽ ഗ്രോസറി, പഴം പച്ചക്കറി, ബേക്കറി, മീൻ ഇറച്ചി ഉത്പന്നങ്ങൾ, വീട്ടുപകരണങ്ങൾ, ബ്യൂട്ടി പ്രൊഡ്ക്ടുകൾ തുടങ്ങിയവയുടെ വിപുലമായ ശേഖരമാണ് ഒരുക്കിയിട്ടുള്ളത്. ഉദ്ഘാടനത്തോട് അനുബന്ധിച്ച് മികച്ച ഓഫറുകളും ലഭ്യമാണ്. ഷോപ്പിങ്ങ് സുഗമമാക്കാൻ പാർക്കിംഗ് സൗകര്യവും ലഭ്യമാക്കിയിട്ടുണ്ട്.
അൽ ദഫ്ര റീജിയണിലെ ലുലുവിന്റെ എട്ടാമത്തെ സ്റ്റോറാണിത്. യുഎഇയിലെ 119ആമത്തേതും ജിസിസിയിലെ 266ആമത്തേയും ലുലുവാണ് അൽ സിലയിലേത്. അബുദാബിയിൽ മാത്രം 15ലേറെ പുതിയ സ്റ്റോറുകളാണ് ലുലു തുറക്കുന്നത്.
