യുഎഇയിൽ ചില പ്രദേശങ്ങളിൽ ഇന്ന് ബുധനാഴ്ച മഴയ്ക്ക് സാധ്യതയുണ്ടെന്നും താപനില വർദ്ധിക്കുമെന്നും ദേശീയ കാലാവസ്ഥാ കേന്ദ്രം (NCM) അറിയിച്ചു. വാരാന്ത്യം വരെ രാജ്യത്തിന്റെ വിവിധ തീരദേശ, ആന്തരിക മേഖലകളിൽ സാന്ദ്രമായ മൂടൽമഞ്ഞിനും (fog and mist) സാധ്യതയുണ്ട്.
ഇന്ന് ഉച്ചയ്ക്ക് ശേഷം രാജ്യത്തിന്റെ കിഴക്കൻ, തെക്കൻ മേഖലകളിൽ മഴമേഘങ്ങൾ (Convective clouds) രൂപപ്പെടാനും ചെറിയ തോതിൽ മഴ പെയ്യാനും സാധ്യതയുണ്ട്. ഇതിനൊപ്പം താപനില വർദ്ധിക്കാനും സാധ്യതയുണ്ട്.
ബുധൻ, വ്യാഴം, വെള്ളി, ശനി ദിവസങ്ങളിലെ രാത്രികളിലും പുലർച്ചെ സമയങ്ങളിലും തീരദേശങ്ങളില്ലും ഉൾനാടൻ പ്രദേശങ്ങളിലും അന്തരീക്ഷ ഈർപ്പം (Humidity) കുത്തനെ ഉയരും. ഇത് കാഴ്ചപരിധി കുറയ്ക്കുന്ന രീതിയിൽ മൂടൽമഞ്ഞിന് (Fog/Mist) കാരണമാകും.
പ്രതല മർദ്ദ വ്യതിയാനങ്ങൾ (Surface pressure system) കാരണം മണിക്കൂറിൽ 30 മുതൽ 35 കിലോമീറ്റർ വരെ വേഗതയിൽ മിതമായ കാറ്റ് വീശിയടിച്ചേക്കാം.
പേർഷ്യൻ ഉൾക്കടലിലും (Arabian Gulf) ഒമാൻ കടലിലും (Sea of Oman) കടൽ പ്രക്ഷുബ്ധമാകില്ലെന്നും ശാന്തമായിരിക്കുമെന്നും (Slight conditions) NCM അറിയിച്ചു.
