ദുബായ് മുനിസിപ്പാലിറ്റി രണ്ട് കുടുംബ വിനോദ പാർക്കുകളുടെ നിർമ്മാണം കൂടി പൂർത്തിയാക്കിയതായി ഇന്ന് സെപ്റ്റംബർ 13 ബുധനാഴ്ച്ച അറിയിച്ചു.
അൽ വർഖ 1, 4 ഡിസ്ട്രിക്ടുകളിലായി 8 മില്യൺ ദിർഹം ചെലവിലാണ് പാർക്കുകൾ നിർമ്മിച്ചിരിക്കുന്നത്. ദുബായിലെ ജീവിതനിലവാരം ഉയർത്തുന്നതിനായി റെസിഡൻഷ്യൽ കമ്മ്യൂണിറ്റികളിൽ നിരവധി ഫാമിലി എന്റർടെയ്ൻമെന്റ് പാർക്കുകൾ നിർമ്മിക്കാനുള്ള അതിമോഹമായ പദ്ധതിയുടെ നാലാം ഘട്ടത്തിന്റെ ഭാഗമായാണിത്.
ദുബായുടെ ആകർഷണം കൂടുതൽ വർധിപ്പിക്കുന്നതിനും പൗരന്മാർക്കിടയിൽ ക്ഷേമവും സന്തോഷവും മെച്ചപ്പെടുത്തുന്നതിനും പൊതു പാർക്കുകളും വിനോദ ഇടങ്ങളും സൃഷ്ടിക്കുക എന്ന ലക്ഷ്യത്തോടെ സ്ഥാപിതമായ ദുബായ് മുനിസിപ്പാലിറ്റിയുടെ തന്ത്രപരമായ സംരംഭങ്ങളിലൊന്നാണ് ഈ പദ്ധതി.
.@DMunicipality has announced the completion of two new parks as part of Phase 4 of its project to develop family entertainment parks in residential areas. Built at a cost of AED8 million, the parks are aimed at boosting residents' well-being and happiness. #Dubai pic.twitter.com/WC5bjI0xqO
— Dubai Media Office (@DXBMediaOffice) September 13, 2023
