അബുദാബിയിലെയും അൽ ഐനിലെയും ചില ഭാഗങ്ങളിൽ ഇന്ന് കനത്ത മഴയും ഇടിമിന്നലും അനുഭവപ്പെട്ടതായി നിവാസികൾ റിപ്പോർട്ട് ചെയ്തു. അൽ വത്ബ, അബുദാബിയിലെ അൽ ഷവാമേഖ്, അൽ ഐനിലെ അൽ ഖസ്‌ന എന്നിവിടങ്ങളിൽ
യുഎഇയിലെ ഇന്നത്തെ കാലാവസ്ഥ ഭാഗികമായി മേഘാവൃതമായിരിക്കുമെന്നും പ്രത്യേകിച്ച് പകൽസമയത്ത് ചില തീരപ്രദേശങ്ങളിലും തെക്കൻ, കിഴക്കൻ പ്രദേശങ്ങളിൽ നേരിയതോ മിതമായതോ ആയ മഴ പെയ്യാൻ സാധ്യതയുണ്ടെന്നും നാഷണൽ സെൻ്റർ ഓഫ് മെറ്റീരിയോളജി (NCM) അറിയിച്ചു.
അൽ വത്ബ, അബുദാബിയിലെ അൽ ഷവാമേഖ്, അൽ ഐനിലെ അൽ ഖസ്‌ന എന്നിവിടങ്ങളിലാണ് ഇന്ന് രാവിലെ മഴ പെയ്തത്. അൽ ദഫ്ര മേഖലയിലെ മദീനത്ത് സായിദിലും മിന്നലോടും ഇടിയോടും കൂടിയ കനത്ത മഴ രേഖപ്പെടുത്തി.
രാജ്യത്തിൻ്റെ ആന്തരിക പ്രദേശങ്ങളിൽ ഇന്നത്തെ പരമാവധി താപനില 32 നും 36 ഡിഗ്രി സെൽഷ്യസിനും ഇടയിലായിരിക്കുമെന്നാണ് പ്രതീക്ഷിക്കുന്നത്. തീരപ്രദേശങ്ങളിലും ദ്വീപുകളിലും 28 മുതൽ 32 ഡിഗ്രി സെൽഷ്യസ് വരെയും പർവതങ്ങളിൽ 19 മുതൽ 24 ഡിഗ്രി സെൽഷ്യസ് വരെയും താപനില ഉയരുമെന്നും പ്രതീക്ഷിക്കുന്നു.
